Representantenan di Google y Youtube ta orador pa E-Seminar

ORANJESTAD - Representantenan di Google y Youtube ta orador na Aruba pa E-Seminar proximamente. Asina e organizadornan ta confirma pa NoticiaCla. Cu e oradornan aki, e interes ta hopi halto. E evento mes lo tuma lugar diasabra 8 di juni 2019 na Renaissance Convention Center Aruba. Organisadornan e mester a negocia hopi largo pa por a convence e oradornan aki pa ta presente pa asina comparti nan conocemento cu e publico cu lo atende e seminario. E enfoke lo ta pa papia riba mercadeo, innovacion y entrepreneurship en general. 

Di e compania Google, Maciej Szczepaniak lo ta na Aruba for di New York. Maciej su posicion na Google ta Global Strategy & Commercialization. Tambe e ta un consehero pa diferente statup exitoso. Su carera den mercadeo ta data di mas di 10 aña trahando den diferente Mercado na Europa, Canada y awor Merca. Su trabou como consehero di startups ta dedica riba yuda compania cu nan transformacion digital. E ta haya un placer grandi den mentor hendenan y companianan.

Un di e otro oradornan ta Saina Shelton. Saina tambe ta biba na New York y ta un expert den Youtube y a traha na Youtube pa mas di 10 aña como ‘Global Lead Google Brands on Youtube’. Algun luna pasa Saina tambe a cuminsa su mesun negoshi ‘Insights Augmented’. Sainta tambe ta un guru den mercadeo digital pero cu un focus riba Video Marketing y tambe Influencer Marketing. Cu e parti di video por pensa riba stragianan con pa haya mas ‘subscribers’, pa incrementa e ‘minutes watched’ pues pa hendenan mira bo videonan mas largo, y otro areanan pa ta mas exitoso riba youtube. Youtube ta e di dos ‘searc engine’ mas usa riba google. Esaki ta nifica cu e ta essencial pa tin un bon presencia riba youtube.

Influencer Marketing ta un ‘trending topic’ mirando cu e industria lo tin un balor di mas di 5 Billion USD Dollar den aña 2020. Por mira tanto localmente como internacionalmente diferente marca ta usa figuranan conoci pa representa nan riba rednan digital. Saino lo duna un guia tambe riba con por usa e tipo di mercadeo aki.