NRC: Samira Rafaela ta drenta Parlamento Europeo toch

DEN HAAG – Parse cu na final di dia, toch e candidato di D66 Samira Rafaela ta haya asiento pa por drenta Parlamento Europeo. Asina e portal Hulandes NRC ta raporta diamars. Rafaela ta un di e tres damanan cu ta logra esaki debi na nan votonan di preferencia (voorkeurstemmen). Nan a haya asina hopi voto preferencial cu nan a logra. Fuera di Rafaela, tin  Liesje Schreinemacher (VVD) y Kim van Sparrentak (GroenLinks). Cu esaki, segun e portal, e percentahe di e hende muher den delegacion Hulandes den Parlamento Europeo ta subi di 34.6 pa 46.2. Entre e 26 parlamentarionan Europeo, lo tin 12 dama.  

SAMIRA RAFAELA

Samira Rafaela, number 3 riba lista di D66, ta tuma lugar di Raoul Boucke, e number dos. E ta bira e prome Hulandes cu decendencia  Caribense den Parlamento Europeo. Pa VVD Liesje Schreinemacher, tambe ta subi un posicion, di 5 pa 4, y Kim van Sparrentak van GroenLinks, riba di 7 lugar, ta bay riba posicion number 3.