Hulanda ta duna 23.8 miyon Euro pa islanan ABC pa crisis Venezolano

Posted on 05/28/2019 9:50 am AST | Updated on 05/28/2019 9:55 am AST

DEN HAAG - Hulanda ta pone 23.8 miyon Euro disponible pa e islanan hulandes den Caribe pa atende cu e impacto di e crisis. Asina prome minister Evelyn Wever Croes a bisa NoticiaCla diamars riba e reunion cu el a sostene e.o. cu prome minister Hulandes Mark Rutte. Segun Wever, aki mester pensa riba entre otro mas control di frontera, mas capacidad y expertisio pa atende tur e peticionnan di asilo, mas asistencia den mantene orden den nos pais, y gastonan relaciona cu e fluho grandi di migracion cu nos ta mira na nos isla. 

AYUDO

Manera ta conoci, Hulanda ta hopi sceptico riba ayudo financiero, y a duna ‘solamente’ ayudo tecnico pa purba resolve e asunto. Esey tambe tin un plachi financiero, pero loke cu Aruba tabata boga pe, tabata ayudo financiero pa paga pa p.e. e opvang cu mester ora cu e situacion ‘bay for di man’. For di momento cu Hulanda a aproba 4 miyon dollar  pa Colombia pa e situacion ey, a cuestiona e ‘gesto’ ey. NoticiaCla a puntra e tempo ey na secretario di estado Hulandes Raymond Knops pakico nan (Colombia) si y nos no, y su contesta tabata, cu pa ley, no por duna paisnan den Reino e mesun suma ey, sin cu el a bay of kier a bay den mas detayes. Pues cu Hulanda ta dunando tur ayudo ‘den margen di loke ta permiti den Reino’. 

  • Gobierno ta informa Hulanda cu no ta ratifica cambio di ley di LAFt

    Gobierno ta informa Hulanda cu no ta ratifica cambio di ley di LAFt

    DEN HAAG – Gobierno di Aruba lo no ratifica e cambio di ley di LAFt, cu Parlamento di Aruba a aproba na juni ultimo. Esaki ta e carta cu gobierno di Aruba a entrega na Conseho di Minister di Reino (RMR) diaranson, segun e fuentenan fededigno a confirma na noticiacla.com. Manera e portal aki a raporta diaranson caba, gobierno di Aruba a entrega un carta ‘nobo’ na gobierno di Reino, conforme palabracion di e ultimo RMR di dia 30 augustus ultimo. Aruba a haya tempo te dia 20 di september pa esaki. Cu e carta nobo aki, Gobierno ta desvia di e decision di Parlamento, cu tur consecuencia cu esaki por tin. 

  • Ex futbolista Maynard likida diaranson anochi na Amsterdam

    Ex futbolista Maynard likida diaranson anochi na Amsterdam

    AMSTERDAM – E homber cu a keda likida diaranson anochi na Amsterdam, ta e ex futbolista profesional, Kelvin Maynard (32), asina polis di Amsterdam a anuncia. E ta e di dos caso di likidacion den un dia na Hulanda. Maynard tabata hunga como defensa pa FC Volendam y FC Emmen. Na 2007 el a debuta den futbol profesional, pa despues bira campeon cu Volendam den e prome division. E temporada aki el a hunga pa Alphense Boys.  

  • Abogado di testigo den caso di asesinato a keda likida na Hulanda

    Abogado di testigo den caso di asesinato a keda likida na Hulanda

    AMSTERDAM – Abogado Strafrechtadvocaat Derk Wiersum (44) a keda likida diaranson mainta cerca di su cas na Amsterdam. E tabata abogado defensor di e testigo Nabil B, den e caso di likidacion di e sospechoso principal Ridouan T. E tirado ta fugitivo ainda. Ta di dos biaha cu un hende den e area directo di e testigo a keda likida. Aña pasa a asesina e ruman di Nabil B. na Amsterdam Noord. Nabil B. tabata scucha den corte den juli ultimo, unda cu Ridouan T. y su ‘man drechi’  Saïd R. ta e sospechosonan principal. Segun Ministerio Publico, nan ta lidera un organisacion criminal, cu ta orkestra e asesinatonan. Wiersum, te cu siman pasa, no tabata ‘cuida’, y a haya señal cu e lo haci un blanco di atentado como abogado di e testigo. E tiramento a tuma lugar den careda di 7:30am na Imstenrade na Amsterdam Buitenveldert. E victima tabata biba cu su casa y dos yiunan den e caya, unda cu a tir’e mata. E casa tabata para banda di e victima. Parce cu e tirado tabata un teenager di entre 16 pa 20 aña, flaco, bisti na preto cu un capuchon.

  • Diabierna RMR ta trata ley di LAFt y carta di gobierno di Aruba

    Diabierna RMR ta trata ley di LAFt y carta di gobierno di Aruba

    DEN HAAG – Diabierna awor Conseho di minister di Reino (RMR) ta trata e carta cu Gobierno di Aruba a manda Hulanda, cu ta trata e proposicion pa cu cambio di LAFt. Noticiacla.com tin confirma cu na Hulanda Conseho di Minister a ricibi un carta y cu e esaki tabata riba agenda pa trata dia 30 di augustus ultimo. Conseho di Reino tin cu vocifera nan mes riba e carta. Trata e punto di agenda aki por resulta den un decision di parti di e Conseho di Reino; Sea ta acepta e ‘deal’, of no y ki ta e siguiente paso(nan) cu lo tuma contra Aruba of no. 

  • Minister Besaril na apertura di Aña Parlamentario di Hulanda

    Minister Besaril na apertura di Aña Parlamentario di Hulanda

    DEN HAAG  – Minister Plenipotenciario di Aruba, Guillfred Besaril, a atende diamars 17 di september e apertura di Aña Parlamentario di Hulanda, mihor conoci como; Prinsjesdag.

  • Diaranson ta dera mama y dos yiunan Rubiano mata na Dordrecht

    Diaranson ta dera mama y dos yiunan Rubiano mata na Dordrecht

    DORDRECHT – Diaranson awor tin entiero di e mama y dos yiunan cu a keda asesina recientemente pa nan propio tata. E tata mes a tira su mes mata despues. E curpa di e mama y dos yiunan ta na cas cerca e wela, Margarita Gressman. Asina e portal Algemeen Dagblad ta raporta. Aki amigonan ta bin duna condolencia. E entiero pa nan lo no mester ta tristo segun e wela, pasobra ta riba fecha di e cumpleaños di Maryori, e mama di e dos muchanan. E entiero di e tata, Wendell, lo ta un dia despues, y e lo wordo crema. Entre famia di e mama y tata tin palabracion haci pa evita confrontacion. Ambos ta ok cu nan por bishita otro pero lo evita si tin mester. Mientrastanto investigacion ta sigui riba kico a pasa exactamente. Un relato completo ta den e portal AD, riba e bida di e famia, conta segun e wela. Un famia cu tabata kier pa e yiunan, pero cual relacion entre mama y tata a yega un fin. Pero ambos famia ta cuestiona kico por a bay asina robez cu el a termina den un tragedia familiar.  

  • Powered by SETAR