Maduro: Pregunta ta si RMR ta acepta e cambio di ley di LAFT

ORANJESTAD – Parlamento ta trata e ley nobo di LAFT dialuna 3 di juni. Mientrastanto e intencion di fraccionan di MEP y POR ta pa entrega un amienda pa converti e concepto den uno constitucional. Algo cu segun lider di fraccion di MEP Rocco Tjon, no ta e caso aworaki. Minister Xiomara Maduro a confirma pa NoticiaCla cu gobierno no a 'stem af' cu Parlamento prome cu a presenta e ley, pa loke ta e cambionan constitucional. Esta cu no a check pa 'parlamento ta riba e mesun liña cu gobierno riba e tema aki'. Gobierno segun Maduro, a informa Parlamento solamente riba e parti financiero. Parlamento (segun Maduro) sinembargo tin e libertad di cambia e ley segun nan criteria y hacie uno constitutionalmente corecto. Maduro ta admiti tambe cu na final si, ta keda na Conseho di minister di Reino pa aproba e version final. 

APROBACION DI HULANDA

Maduro den su contestacion na e portal aki dialuna mainta, a sigura cu cu e concepto di ley presenta awor na Parlamento, ta conta cu aprobacion di Hulanda. A dura un poco pa e ley keda cla segun Maduro, pero cu finalmente gobierno di Aruba y Hulanda a haya otro riba tur e puntonan di ‘orden’. Mester bisa cu tabatin tres punto di discusion, di cual dos tabata ok (esta cu e tabata conta cu sosten di Hulanda) pero e di tres si Hulanda tabatin problema cu ne. Aruba e ora a dicidi (segun Maduro) di laga esey (e di tres) cay y asina satisface Hulanda. Cu esaki cla, gobierno a dicidi di entrega e ley na Parlamento, pues sin ‘stem af’. Ora cu Parlamento a ricibi e ley, nan (fraccion di MEP Y POR) a dicidi pa traha un amienda, pa asina e converti e ley den uno constitutionalmente corecto. 

BAY BIN

Mientras cu den e contestacion di pregunta na e mandatario di e bay bin di entre gobierno di Aruba y Parlamento, Maduro (lesa gobierno:red)  Maduro a desmenti cu e tardansanan ta e bay bin cu secretario di estado Hulandes Raymond Knops. “No tabatin un heen en weer” Maduro a bisa e portal aki, papiando pa su mes, pasobra por bien ta cu esey tabata e caso si, pero entre Hulanda y prome minister Evelyn Wever. E (Maduro) ta admiti si cu e protocol di LAFT a tarda pa keda cla. Pa loke ta e ley, esaki enberdad a tarda, pero pasobra gobierno tabatin un cantidad di cos di atende.

PUNTO CU ARUBA A LAGA CAY

E di tres punto menciona cu Hulanda no por a haya su mes aden, segun Maduro a bisa e portal aki, ta e cambionan cu gobierno di Aruba a propone pa cu e tarea di Gobernador den e aspect di e ley di LAFT. E mandatario mientras cu si a bay riba e tema, no kier a bisa si mas specifico kico e cambio ey mester a bira. Hecho ta cu gobierno di Aruba kier a cambia of ahusta e tarea di Gobernador riba e tema aki, cu ta algo cu Hulanda no a aprecia, pa cual a bisa  solamente cu Hulanda no a haya prudente pa e cambio di ley aki tuma lugar. Riba esaki gobierno di Aruba a opta e ora pa no bay den discussion cu Hulanda y a laga esaki cay. Na final dos punto (no ta conoci cua) si Hulanda a haya Aruba aden y a dicidi pa entrega e ley asina na Parlamento. 

RMR

Loke cu tambe Maduro a admiti ta cu na final ta bin den contienda kico RMR ta bay ta nan reaccion riba e cambionan aki. Esey ta e pregunta mas principal den e trayecto aki. “Kico ta bira e resultado di e cambio aki” Maduro a bisa. Segun e protocol firma entre gobierno di Aruba y Hulanda, unabez cu e ley ta aproba pa Parlamento, ta na Rijks Ministerraad pa aproba e contenido. Algo cu no ta den man di Aruba y ta e problema mas grandi cu Parlamento di Aruba tin. Si Rijks Ministerraad no aproba e ley, e ora e ta bira un showdown entre Hulanda y Aruba. Wak e parti di splicacion riba ley di LAFT AKI.