Warda Costa a gara capitan Colombiano di boto cu papel falso

WILLEMSTAD - Diahuebs ultimo e Centro di Rescate i Coordinashon di Wardacosta a detecta un boto sospechoso riba radar. RCC a informa e cutter Jaguar di Wardacosta pa e bay na e localidad. E tripulacion di Jaguar a informa cu e boto cu e nomber “El Poder de Dios”, tabata na caminda pa Corsou cu mercancia na bordo. Duana tambe a ser notifica y Jaguar a compaña e boto pa drenta haf pa bai Duana. Durante control di Duana riba e boto a haña e capitan cu documentunan di despacho di Colombia falso.

Wardacosta ta informa cu tin controlnan riba tur boto di Venezuela y Colombia cu ta drenta of sali haf pa cumpra of bende mercancia. E trabounan di chekeo ta ser ehecutá den colaboracion cu Koninklijke Marechaussee, Duana i ‘Port Authorities’ di Aruba, Corsou i Boneiru. Tur boto mester tin nan documentunan vigente y original hunto cu nan. Wardacosta ta adverti cu si personanan no mantene nan mes na regla nan por ser detene.