Candidato di AVP a haya mas voto cu esun di MEP pa parlamento Europeo

ORANJESTAD – E candidato cu partido AVP a sostene pa parlamento Europeo, e # 1 riba e lista di CDA, Esther de Lange a haya hopi mas voto na Aruba cu e candidato cu MEP a sostene, esta Samira Rafaela (#3 pa D66). Y esey, no obstante e hecho cu Rafaela a bishita Aruba y de Lange no. De Lange a ricibi 369 voto, mientras cu Rafaela a ricibi ‘apenas’ 76 voto di e total di voto e partido D66 a haya na Aruba, cu ta 98. Mirando e hecho cu D66 a haya ‘apenas’ 2 asiento (contra 4 cu e tabatin), ta nifica cu Rafaela no ta drenta Parlamento Europeo, mientras cu de de Lange cu tabata den parlamento Europeo caba, ta keda cu su asiento.