Prome tres ‘leyendanan’ di e homenahe di SMAC ta conoci

ORANJESTAD – E nombernan di e prome tres leyendanan cu lo haya homenahe den e prome salida di e evento The Legends, ta conoci. Dialuna atardi e fundacion nobo Stichting Maneho di Aruba su Carnaval a revela e nombernan publicamente. Ta trata di Roberto Boedoem Brown, Los Laga Bai y Claudius Phillips. Manera nan a bisa, ta trata di un lider di grupo (Boedoem), un grupo ( Los Laga Bai) y un musico (Claudius). Ademas di e homenahe aki (cu lo tuma lugar algo prome cu 7’or, lo tin tambe discurso di e mandatario di turismo, discurso di e presidente di SMAC, y musica di tres banda. E evento ta cuminsa 6:30 y ta termina 11:11 di anochi y ta riba e Carnival Village na San Nicolas.