Un persona lo a purba pega un cas na candela na Bushiri

ORANJESTAD - Polis y brandweer cu urgencia a keda manda pa Bushiri na e casnan di pueblo caminda e informe a drenta lo tin candela den un di e flatnan. Na yegada di e unidadnan, ya candela tabata paga pero habitante tabata comenta cu no ta prome biaha un hende kier a kima su cas. Ta un baki (di mata) na e balcon patras tabata na candela y ta desconoci con esaki por a pega candela. Recherche y departamento forensico a presenta pa haci e trabou investigativo.