Morto tragico di pastoor dr. Myles Munroe a afecta Aruba tambe

ORANJESTAD/BAHAMAS- Mientras cu un investigacion a inicia den e caso di accidente aereo cu a costa bida di e.o. un pastoor popular y su casa, dr Myles Munroe y su casa Ruth, tabata bisto dialuna cu na Aruba tambe e noticia a dal duro. Rapidamente varios dignatario a comparti nan momentonan cu e pastoor aki, durante su bishitanan pa Aruba.

Tabata diadomingo atardi ora cu e jet cu tabata transporta Munroe y delegacion di 9, a cay momento cu e tabata aterisa serca di e aeropuerto Grand Bahama International matando tur esnan abordo. E avion lo a alcansa un grua cu tabata na final di e pista. Munroe (60) tabata na caminda pa un otro presentacion di su ministerio, Faith International Fellowship.

Riba su pagina di Facebook, e mandatario di husticia Arthur Dowers a skibi “Awe nos a ricibi e noticia cu Dr. Myles Munroe y Sra esposa Ruth a fayece tragicamente cu e avion priva cu tabata transporta nan cay. Mi tin recuerdo ameno di Dr. Munroe su bishita na Aruba dia 10 di maart 2011. Cu Dr. Munroe y Esposa Ruth sosega na pas”.

Prome minister di Aruba, Mike Eman tambe a comparti su pensamento den idioma ingles riba su pagina di Facebook. “Profoundly touched and shocked to hear the news of the tragic passing of Mr. and Mrs Munroe. Good friends of Aruba and inspiring leader that we had the fortune to meet and share in prayer with. My deepest condolences to the family Munroe, all Bahamians and all he touched over the years with his moving call for more faith and love in this world. We will cherish their memory and efforts to work on Rediscovering the Kingdom, as is the title of one of his many inspiring and faith strengthening books, I had the honor to receive from his hands. Strength and Blessings from Aruba. [Mike and Doina]”. E foto principal ta e ultimo di e pastoor diadomingo, prome cu e la biaha.