Gomes: Hopi confusion y critica riba grondbelasting

Gomes: Hopi confusion y critica riba grondbelasting

Posted on 05/23/2019 3:17 pm AST | Updated on 05/23/2019 3:27 pm AST

ORANJESTAD – Tabatin un avalancha di critica y confusion desplega e ultimo dianan riba grondbelasting, cu a pone cu Departamento di Impuesto DIMP mester a tene un conferencia di prensa urgente diahuebs mainta pa trece mas claridad. Segun director di DIMP Luenne Gomes Pieters, ta trata mas bien di esnan cu a haya of ta kere cu nan a haya un aumento di grondbelasting. Ta pensa cu e splicacion no tabata porta mucho cla, y como tal a haci e intento pa clarifica tur cos. 

E SITUACION

For di momento cu DIMP a saca e cobransanan di Grondbelasting y gobierno a haci e anuncio e siman aki, a cuminsa haya keho di e grupo di persona cu ta sinti nan mes perhudica. A splica cu tin un grupo di 29.873 persona priva (ciudadano) cu ta registra na DIMP cu tin cu paga grondbelasting tur aña. Cu tur e cambionan introduci e aña aki, gobierno ta premira un ingreso extra di mas of menos 14 miyon florin. A splica un biaha mas cu e reforma introduci na comienso di aña, y cu ta inclui e cambionan di grondbelasting, ta haci pa reparti e peso di un forma mas miho posibel. Esey ta inclui cu cierto hendenan ta bay paga nada mas, otronan un poco menos y un grupo hopi chikito, ta bay paga mas. Pero tur ta wordo compensa.

SUMANAN DIVIDI

Segun Pieters, manera cu e proceso ta aworaki, esnan cu tin propiedad balora entre 120-250 mil florin ta paga 0.2% na grondbelasting. Esnan entre 250-500 mil florin ta paga 0.3%, y esnan cu tin propiedad entre 500-700 mil florin, ta paga 0.4%. E grupo riba 700 mil florin na propiedad ta paga 0.6%. E diferencia ta cu antes tur hende tabata paga e mesun suma di 0.4%. Pa no residente, nan ta paga un ‘flat rate’ di 0.6% na grondbelassting. 

CAMBIONAN

Mas aleu, Pieters a splica cu di e grupo total cu ta registra, cu e cambionan ta nifica cu 8.990 persona (30% di e totalidad) no ta nota un cambio di pago di grondbelasting, pues e cambio no a afecta nan. Pero un grupo grandi, total di 17.779 (60% di e totalidad) awor ta bay haya un rebaho. Pa gobierno esaki ta nifica 2.1 miyon menos na entrada. Un grupo di 3.098 (10% di totalidad) lo conoce un aumento di grondbelasting mientras cu 1859 persona(6%) lo conoce un aumento entre 0 pa 500 florin na grondbelasting, pero e por ta un suma relativamente chikito di 36 florin extra pa aña. Un grupo di 190 persona ta cay den e categoria di tin propiedad entre 250-500 mil florin, tin un grupo di 83 persona cu tin propiedad entre 500-750 mil florin y 967 persona cu tin mas di 750 mil florin na propiedad priva. Entre nan tin 1239 persona (4%) cu tin cu paga mas di 500 florin na grond belasting. 

CAMBIO DI BALOR

Un otro critica cu tin, ta cu hende ta pensando cu a bolbe balora nan propiedad y asina haci e cambio necesario. Esaki sinembargo segun Pieters, no ta berdad. Pa e ultimo 5 pa 10 aña no a haci recalculacion di propiedad pues no por papia cu a rebalora e propiedad di e persona. Aworaki ta den un periodo di 5 aña (2017-2021) cu no ta haci recalculacion. Pues e proximo periodo pa recalcula ta despues di 2021. De hecho e periodo prome cu 2017, tampoco no a hacie. Pues tur e alegacionan di recalculacion, no ta cuadra cu berdad y tur hende por keda trankil. 

  • Digicel kier trece mas innovacion pa Aruba

    Digicel kier trece mas innovacion pa Aruba

    (ADVERTORIAL) 

  • Fantastic Gardens a introduci gerencia nobo

    Fantastic Gardens a introduci gerencia nobo

    ORANJESTAD - Recientemente, Roy Maduro y Grace Maduro a anuncia na e empleadonan, cu nan ta retira oficialmente for di Fantastic Gardens den posicion di maneho. E management team nobo a bira Frank Geerman, Ricky Maduro y Rebecca Maduro.

  • Doñonan di fruteria kier importa fruta y berdura di Venezuela

    Doñonan di fruteria kier importa fruta y berdura di Venezuela

    ORANJESTAD - E doñonan di fruteria na Aruba a pidi gobierno di Aruba permiso special pa importa fruta y berdura di Venezuela, debi cu actualmente e situacion di frontera cera, ta aumenta e gastonan mucho. Asina nan a participa na Prome Minister Wever Croes durante un reunion. Gobierno a priminti di lo evalua e peticion y despues bolbe bek cerca e doñonan. 

  • KVK: Comercio a expresa preocupacion durante nan Town Hall Meeting

    KVK: Comercio a expresa preocupacion durante nan Town Hall Meeting

    ORANJESTAD – Comercio a expresa preocupacion durante e Town Hall Meeting di Camara di Comercio (KvK). Asina Kvk a informa den un comunicado. Manera ta conoci siman pasa diahuebs, KvK a organisa un Town Hall Meeting caminda a invita pueblo y en particular comunidad comercial, pa discuti riba e topico di Reforma Fiscal. Segun KvK, den un auditorio di KvK bon bishita, por bisa cu a haya hopi bon punto y KvK ta hopi contento cu e resultado. Di e forma aki KvK lo por formula su punto di bista, a base di loke ta biba cerca e comerciantenan y KvK lo trece e puntonan di preocupacion y e ideanan alternativo como solucion cerca gobierno. KvK ta di opinion cu e solucionnan cu a yega na oido di KvK y pueblo, no ta esun mas faborabel pa comercio, pueblo di Aruba y nos turismo.

  • Ex Aqua Condominiums awor ta bira Radisson Blu Hotel

    Ex Aqua Condominiums awor ta bira Radisson Blu Hotel

    ORANJESTAD – Radisson Blu Hotel lo inverti 80 miyon dollar pa completa e proyecto hotelero di ex Aqua Condominiums. Diaranson atardi Minister di Turismo, Dangui Oduber tabata presente na e edificio di ex Aqua Condominiums, caminda e mandatario a haya un presentacion di e proyecto di Radisson Blu. Despues e mandatario a firma un carta di compromiso den nomber di Gobierno conhunto cu Beachside Development Company y Radisson Hotels International.

  • Gobierno no ta cla ainda pa presenta solucion pa cera buraco financiero

    Gobierno no ta cla ainda pa presenta solucion pa cera buraco financiero

    ORANJESTAD – Mientras cu gobierno kier balansa e solucion financiero entre aumento di entrada y desaroyo economico pa cera e buraco financiero, ainda e parti di desaroyo economico no ta cla. E mandatario no ta kere solamente den medida, pa aumenta e entradanan di gobierno, pero tambe cu mester tin e desaroyo economico pa yuda e inversionista y e ciudadano. Unabes cu esaki ta cla, lo presenta esaki riba un plachi completo. Ta trata di un plan di por lo menos 15 ‘proyecto’. “Pero nan no ta suficientemente concreto cu mi por papia di nan, y p’esey mi ta pidi mas tempo pa por presenta esaki y cera e ‘gap’, kico ta realisabel y kico no. Importante segun Minister Wever ta, pa cada un di e proyectonan aki tin un ‘economische onderbouwing’, kiermen un splicacion bon hinca den otro, con esey ta bay contribui na cera e gap. No ta bay pone djis manera antes, kico nan ta haci sin mas.   

  • Powered by SETAR