NOAA ta pronostica presencia di 8 horcan e temporada aki

NOAA ta pronostica presencia di 8 horcan e temporada aki

Posted on 05/23/2019 11:50 am AST | Updated on 05/23/2019 11:52 am AST

PEMBROKE PARK – National Oceanic and Atmospheric Administration (NOAA) ta pronostica 8 horcan pa e temporada di 2019 di horcan. Faltando practicamente un siman mas pa temporada di horcan cuminsa (1 juni), e pronosticonan ta conoci pues. Nan pronostico ta uno average. Mas specifico,  entre 9-15 tormenta cu nomber, di cual 4-8  por bira horcan, di cual  2-4 por bira categoria 3 of mas halto. E certesa di e pronostico ta poni na 70%.  Lo tin efecto di El Niño, marcando awa mas cayente cu average banda di equator den Oceano Pacifico. Pero di otro banda, den Oceano Atlantico, laman mas cayente cu averahe combina cu sistemanan di tormenta por contra aresta e presencia di El Niño. Aunke cu e temporada oficialmente no a cuminsa, ya tabatin un tormenta cu nomber, Andrea caba, pero ya a kibra. E proximo tormenta lo yama Barry. E actualisacion lo bin durante e temporada mes. Tur aña ta bin e tema bek cu si Aruba ta den e faha di horcan, y e contesta ta varia. Aruba a haya presencia di horcan hopi cerca, y mas tanto rabo di horcan, of e efecto di un tormenta. Pero ultimo aña Aruba no a sinti e efecto real di e temporada. 

 

   

 

 

  • Buskeda pa persona den laman den haf na Baltimore ta continua despues cu brug a collapse

    Buskeda pa persona den laman den haf na Baltimore ta continua despues cu brug a collapse

    BALTIMORE – Den e haf di e ciudad Mericano Baltimore a reanuda e buskeda na 6 persona cu ta perdi despues di e drama di e brug cu a collapse un dia prome. Un barco di container a dal den un di e pilarnan di e brug, causando cu gran parti di e brug a collapse. Esnan ‘perdi’ ta trahadonan cu tabata trahando riba e brug ora cu esaki a collapse. Nan tabata trahando pa cera buraco riba e caminda riba e brug, ora cu e accidente a sosode. Polis ta asumi cu nan no ta na bida mas y no ta papiando di un accion di rescate sino di un operacion di recuperacion di curpa.  

  • Accidente teribel cu flixbus na Alemania a laga 5 persona morto

    Accidente teribel cu flixbus na Alemania a laga 5 persona morto

    LEIPZIG – Un accidente serio di trafico na Leipzig, Alemania a laga por lo menos 5 persona morto. Tambe tin 20 persona herida. Tabata awe mainta casi 10’or ora cu un asina yama flix bus di Berlin pa Zurich lo a baha caminda y  bolter. Pasaheronan y dos chauffeur a wordo saca di nan stoel y sacudi formalmente. E caminda principal a keda cera pa ambos banda y mester a usa por lo menos 5 helicoper di rescate pa por atende cu e problema. 

  • MSN: Stempel di Aruba pa pasaporte ta entre e 20 mas interesante di mundo

    MSN: Stempel di Aruba pa pasaporte ta entre e 20 mas interesante di mundo

    ORANJESTAD – Un articulo cu a aparece prome biaha na 2019, a bolbe re-aparece como un noticia e siman aki riba e portal principal di noticia di Microsoft, MSN.com. Ta trata di un synopsis di e miho 20 stempelnan di paisnan cu ta aparece den un pasaporte, ora cu un biahero pasa e imigracion di e pais ey. E tema di e articulo ta cu hopi biahero ta gusta colecta e stempel (stamp), y ta bisa algo di e pais cu e persona a bishita. Den cuadro di esey, e portal ta repasa e 20 stempelnan mas interesante di mundo, di cual Aruba tambe ta figura. Esaki specificamente pasobra e ta ilustra e logo turistico di e isla y tambe e lema ‘One Happy Island’. Algo cu ta wordo yama particular. Cualkier ilustracion fuera di normal, ta resalta den e raportahe aki. Ta considera e parti ariba di e stempel como ‘Jazzy’, cu e ‘strea’ di nos bandera, y e lema cu ta confirma e experiencia alegre di tur turista riba nos isla. 

  • Brug na Baltimore a collapse despues cu barco di container a dal den dje

    Brug na Baltimore a collapse despues cu barco di container a dal den dje

    BALTIMORE – Un brug den e ciudad Mericano Baltimore a collapse diamars marduga ora cu un barco di carga a dal den dje. Ta trata di e brug di hero Francis Scott Key Bridge, di mas of menos 25000 meter largo.  Un comandante di bombero di Baltimore a bisa den un conferencia cu dos persona a keda rescata for di den awa despues cu e brug a collapse. Un di nan tabata seriamente herida. E accidente a sosode rond di 1’or y mei di marduga ora di Merca. 

  • Hefe di Boeing ta anuncia su retiro mei mei di crisis di e compania

    Hefe di Boeing ta anuncia su retiro mei mei di crisis di e compania

    NEW YORK – E hefe corporativo di e compania di fabricante di avion tipo Boeing, Dave Calhoun a anuncia su retiro pa fin di e aña aki. E compania ta den un crisis serio cu varios fayo di e avionan di e tipo menciona. Calhoun a tuma mando di e compania na 2020, despues cu Muilenburg a wordo saca despues di un escandalo internacional. DEspues di entrada di Calhoun, dentro di 5 luna dos avion nobo di boeing, tipo 737 a perde den dos supuesto accidente identico, cu a cobra bida di 346 pasahero y tripulante. Calhoun a priminti di fortifica e cultura di seguridad di e compania y ‘reconstrui’ e confiansa. 

  • Union Europeo cu investigacion contra Apple, Google y Meta pa posibel abuso di poder

    Union Europeo cu investigacion contra Apple, Google y Meta pa posibel abuso di poder

    BRUSELAS – Dos siman despues cu un ley technico nobo Europeo a drenta na vigor, e Comision Europeo a inicia 5 investigacion contra e companianan technologico mas gtrandi di Mundo. Ta trata di Apple, Alphabet (compania madre di Google), y Meta (Compania madre di entre otro Facebook, Whatsapp y instagram). E asina yama ley di mercado digital ta busca pa evita abuso di poder. E investigacion lo dura un aña y no ta descarta multanan biyonario contra e companianan. Ta trata inicialmente di 10 pa 20% di e entrada annual di cada compania. Esaki por bira entre 35 pa 70 biyon euro. E record di multa aworaki ta pa Google, cu tabata 4 biyon euro. 

  • Powered by SETAR