Casi 500 encuesta parti den e bario di Rancho

RANCHO – Siman pasa boluntarionan di Stichting Rancho a reparti basta encuesta di Centro di Actividad Rancho (CAR) den e bario di Rancho. Fundacion Rancho kier recorda tur habitantenan di Rancho pa yena e encuesta importante aki. Pa asina CAR por haya un bista riba loke e comunidad kier mehora den e bario. Habitantenan tin te 30 di mei pa hasi esaki.

E encuesta tin como meta pa haya informacion di e comunidad di e bario riba topiconan social, actividadnan pa bario y mehoracion di e bario. Pa medio di e encuesta Fundacion Rancho por mehora su proyecto y actividadnan pa e bario. Tambe trece problema nan di sushi, infrastructura, espacio pa parkeer y otro broblemanan den den claridad, pa asina organisacionnan conserni por bai atende cu ne.

E encuesta por wordo yena na cas, online of na e oficina di CAR. Habitantenan tin te dia 30 mei pa intrega e encuesta bek na Centro di actividad Rancho (CAR) cu ta ceda den Koningstraat 38, Oranjestad. Esun cu hasi esaki na tempo tin e oportunidad di gana un Foodbasket di PriceSmart. Ganado lo wordo saca dia 4 di juni pa 2.00PM live via e Facebook Page di Stichting Rancho!

Click riba e link akibou pa yena encuesta online! Pa mas informacion por bel +297 562 8352

https://docs.google.com/forms/d/e/1FAIpQLSc8VYE3J57Ye83iFywckDnG44KQC4q5QiV14ZWL- iko9xZqgQ/viewform?fbclid=IwAR2SJq3ivVtDgfti2moE1v08I2Wa_FlZPQR4D6lkWOEyT_LM9wKVYknqI 0Q