Garage Cordia a sostene coredonan den Ronde van Aruba

Posted on 05/21/2019 4:58 pm AST | Updated on 05/21/2019 4:59 pm AST

(ADVERTORIAL)

ORANJESTAD - E coredonan David Polanco, Pauline Vackier y Nienke Luttikhold a participa den “Ronde van Aruba 2019” y a conta cu sosten di Garage Cordia. E atletanan a prepara duro pa por a core e 72KM cu Marinierskazerne a organisa pa di 27 biaha.

Garage Cordia a sostene David Polanco door di pone na su disposicion dos (2) chauffeur y e Toyota Rush. El a core den e categoria di single cu un tempo di 07:48:13. David Polanco a core e Ronde van Aruba como un preparacion pa su coremento di “100 miles for a better future” na September. E coremento aki ta na honor di e homber cu a mustra tur hende con pa stima mucha, esta Augustin Dorothal. E lo ta coriendo e distancia aki cuminsando dia 28 y termina dia 29 di September.

Pauline Vackier y Nienke Luttikhold a core den e categoria di Duo Femenino y nan a haci esaki den 06:41:31. Garage Cordia a sostene e coredonan cu un pickup Hilux. Durante henter e ruta chauffeurnan di Garage Cordia y di e Hilux, coachnan y esunnan para na banda a aplaudi y apoya e coredonan den e competencia.

Garage Cordia ta orguyoso di a sostene David Polanco, Pauline Vackier y Nienke Luttikhold. Den e categoria single David Polanco a keda na number 5, mientras cu Pauline Vackier y Nienke Luttikhold a sali na prome luga den duo femenino.

  • Merca ta gana Corsou den final di Serie Mundial di Little League Baseball

    Merca ta gana Corsou den final di Serie Mundial di Little League Baseball

    WILLIAMSPORT – Despues di 10 dia, e Serie Mundial di Little League a termina, cu Merca (e ekipo di River Ridge Louisiana) ganando e titulo maximo diadomingo atardi cu score di 8-0, lagando e ekipo di Corsou na di 2 lugar. Un dia prome Corsou a sa di gana e titulo di International Little League Champions, ganando di Japon 5-4. Pero manera e structura real ta, Corsou mester a gana diadomingo di e representante di Merca, pa por a yama su mes campeon mundial. Pa Louisiana, esaki tabata nan prome titulo di Campeon Mundial di Little League, cu nan pitcher Egan Prather, cu no a permiti careda di Corsou. E ekipo di Merca a sali afor den di 5 inning cu 4 careda riba 4 hit. Corsou su unico momento real tabata den di 3 inning, ora cu nan a logra yena tur base, pero no a logra score careda. Prather a tira un wega completo. Pa loke ta Corsou, nan a demonstra cu nan tin talento y no a entrega durante henter e torneo. Mescos cu Louisiana, cu a perde na prome partido contra Hawaii, Corsou tambe a perde un partido (contra Sur Korea), pero a bounce bek y gana tur nan weganan siguiente y gana e titulo internacional diasabra. E unico otro wega cu nan a perde, tabata e final grandi. Di parti di gobierno di Corsou, Prome Minister a manda mensahe di sosten y pabien pa e ekipo y tambe e rednan social a keda inunda cu mensahe di felicitacion y sosten. Bunita tabata e sosten pa Corsou for di e otro islanan di Caribe Hulandes, cu a sigui Corsou manera ta nan mes tabata hungando. Pabien Corsou pa un bon trabou!

  • Corsou ta titula campeon internacional Little League

    Corsou ta titula campeon internacional Little League

    WILLIAMSPORT - Corsou a titula campeon internacional di baseball little league serie mundial diasabra, ganando di Japon cu score di 5-4. E wega tabata uno dramatico cu a pone tur hende riba pia. Japon a comete su prome dos erornan di henter e campeonato, contra e wega di Corsou. Corsou a pica dilanti despues di un homerun di dos careda haciendo e wega 5- 2, Japon a menasa e wega dado momento cu base yen logrando un careda mas. Pero na final Corsou ta sali victorioso toch. Mayan si Corsou gana e wega contra Merca, nan ta titula campeon di mundo. 

  • Corsou a tuma revancha contra Sur Korea y gana den LLWS 2019

    Corsou a tuma revancha contra Sur Korea y gana den LLWS 2019

    WILLIAMSPORT – Despues di a perde contra nan 4-0 diadomingo, e ekipo di Little League di Corsou a tuma revancha contra Sur Korea diahuebs, ganando 5-3, cu un grandslam na comienso di e partido. Aunke cu Sur Korea a sa di hinca tres careda, e no tabata suficiente. Corsou ta hinca 5 careda, dal 6 hit y tin 0 error.  Sur Korea a hinca 3 careda, a dal 4 hit y tampoco tabatin eror. Corsou ta topa Japon diasabra awor, y si nan gana, nan ta pasa pa final diadomingo. 

  • Corsou ta gana Venezuela 9-2 den Little League World Series 2019

    Corsou ta gana Venezuela 9-2 den Little League World Series 2019

    WILLIAMSPORT – E ekipo di Corsou a gana esun di Venezuela cu score di 9-2 diamars atardi den e wega di Little League World Series na Williamsport Pennsylvania. Un wega unda cu Corsou a domina e wega practicamente completo. E prome dos caredanan tabata den  prome inning, sigui pa 3 mas den di 2 y finalmente den e ultimo inning, di 6, a score e ultimo 4 careda pa un total di 9. Venezuela a logra 2 careda na final, pero no tabatin e dominio cu nan a mustra contra Mexico. Cu e victoria aki, Corsou ta hunga contra e perdedo di Japon y Sur Korea diahuebs atardi. 

  • Tres medaya pa Aruba den campeonato di Caribe di Karate

    Tres medaya pa Aruba den campeonato di Caribe di Karate

    ORANJESTAD - Cu un caluroso aplauso, e seleccion di Aruba Karate Bond a yega Aruba bek diadomingo 18 di augustus ultimo, despues di a participa na e campeonato di Caribe yama ‘5th Caribbean Karate Championship’. E campeonato aki tabata uno di nivel halto y cu participacion di 143 participante di 11 pais. 

  • Corsou ta gana Canada den World Series Little League y keda na bida

    Corsou ta gana Canada den World Series Little League y keda na bida

    WILLIAMSPORT – E ekipo di Little League di Corsou (representando Caribe) a gana e ekipo di Canada dialuna cu score di 8-1, kedando na bida asina despues di a perde contra Sur Korea 4-0. Cu e score di dialuna, Corsou ta sigui na bida y ta enfrenta Venezuela (representando Latino America) diamars 3’or. 

  • Powered by SETAR