Secretario di Estado Hulandes Harbers ta retira di su funcion

DEN HAAG – Secretario di Estado Harbers (Husticia y Seguridad) ta retira. Asina el a bisa na final di e debate cu tabatin den Tweede Kamer diamars atardi. E mes a bisa cu e no por splica con bou di su responsabilidad, crimenan pisa di esnan cu a pidi asilo, a wordo cubri. Prome cu e debate, e mandatario a indica caba cu e lo por retira. Pero esaki el a anuncia oficialmente na final di su splicacion.  Den un raportahe, a sali crimenan serio manera violacion y intento di asesinato y homicidio scondi bou di e titulo ‘otro delito’. Pesey no tabata cla pa e publico kico tabata cay bou di e cabes ey. Ta ora cu e portal Hulandes de Telegraaf , a bira conoci kico tur esak tabata. Harbers a reconoce cu esey tabata un fayo y, como tal e ta retira. E di 4 miembro di VVD cu na e ministerio grandi  aki mester retira.