Dama Arubiano deteni na Corsou relaciona cu asesinato di Hulandes

WILLEMSTAD – Un dama di Aruba ta entre e detenidonan di awe marduga durante un entrada hudicial na Corsou relaciona cu un caso di ladronicia cu violencia y morto di e empresario Hulandes Ronaldus Wilhelmus Molenaars (53). Asina Cuerpo di polis di Corsou a confirma diamars mainta pa medio di un comunicado. E dama su inicial ta T.Y.T.R (20) cu hunto cu e homber J.N H (21) di Corsou a keda deteni na momento di e entrada. Tabata Arestatie Team y Atraco Team a haci e entradanan 5’or di marduga. E caso mes a pa cual ta sospecha nan envolvimento a tuma lugar dia 7 di mei ultimo na un cas den Kaya Karko.   

ENTRADA HUDICIAL

E entradanan hudicial a tuma luga na un cas den Robekkistraat y den caya Dodo Palm y tabata dirigi? riba violacion di Ley di arma di candela. Durante di un investigacion na e adresnan ariba menciona polis a haya y confisca dos (2) auto i arti?culonan cu ta importante pa e investigacion. Ta den cuadro di e informacion ey a detene e dos personanan. A presenta tur dos sospechoso dilanti un Fiscal auxiliar cu a ordena nan encarselamento pendiente di mas investigacion.