Wever: Cobransa di grondbelasting ta inclui cambio di reforma

Wever: Cobransa di grondbelasting ta inclui cambio di reforma

Posted on 05/20/2019 6:18 pm AST | Updated on 05/20/2019 6:18 pm AST

ORANJESTAD – Como parti di e reforma fiscal introduci parcialmente na comienso di aña aki, un total di 12 mil persona e luna aki lo no mester paga ‘grondbelasting’. Prome minister Evelyn Wever Croes a recorda tur riba e cambionan cu a cuminsa y cu e luna aki un biaha mas ta bira bisto. Segun Wever, e luna aki cobransa pa asina yama ‘grondbelasting’ ta sali, y aki por mira cambio. Fuera di cu 12 mil hende no ta bay paga grondbelasting mas, tin 16 mil cu ta bay paga menos, y ta un grupo relativamente chikito di 5 mil, ta bay paga poco mas. Pero nan tambe lo haya compensacion. 

E CAMBIO

Si antes tur hende tabata cobra .4% na grondbelasting, cos a cambia pa hopi. E mas of menos 12 mil ciudadano cu tin propiedad balora na 100 mil florin of menos, no ta paga nada mas. E grupo di 16 mil ciudadano cu tin riba 100 y te cu 500 mil ta paga entre 0.2% pa 4% di grondbelasting, y esnan cu si tin cu paga mas, esta un grupo di 5%, cu ta pasa 500 mil na balor di propiedad, ta haya esaki compensa den cierto forma mientras nan ta paga . Entre otro, nan inkomstenbelasting ta baha si p.e. nan tin propiedad di huur cas. Pa esnan cu tin cu paga .6%, nan impuesto didividendo ta baha. Pues tur caminda tin coreccion of compensacion pa esnan cu si tin cu paga grondbelasting, segun Wever. 

  • Powered by SETAR