Corte di Casacion: Ernst & Young a actua ilegal contra ex director FLPD Endy Croes

Posted on 05/20/2019 5:42 pm AST | Updated on 05/20/2019 5:44 pm AST

ORANJESTAD – E compania di accountant Ernst & Young (EY) a actua illegal pa cu ex director general di Fundacion Lotto pa Deporte (FLPD) Jan Hendrik ‘Endy’ Croes. Y como tal Corte di Casacion ta mantene e sentencia di Hof di Croes di 16 di januari 2018, rechasando e peticion di EY pa revoca e sentencia ey. Asina e sentencia a cay diabierna ultimo di Corte di Casacion, cu ta un veredicto final. EY no por apela e sentencia aki. Dialuna Croes y su abogado Anthony Ruiz a duna nan comentario riba e caso. 

E CASO

Corte di Casacion a determina cu basa riba regla y e liña di maneho di un compania responsabel y acredita manera EY, nan (EY) no a actua corecto door di e.o. nenga pa comparti e concepto di rapport di e investigacion contra Croes (FLPO a pidi EY haci e investigacion den practica considera incorecto di mal uso di fondo durante periodo cu Croes tabata director general), perhudicando Croes asina di por tin un preparacion adecua como su defensa. Segun corte, e prohibicion aki di parti di EY pa Croes haya y wak e rapport, no ta hustifica. Ademas ta papia di un combinacion di un ’proceso incorecto di refutacion (wederhoor), algun irregularidad den e rapport final y algun falta di claridad tambe’. 

BISTA NEGATIVO

Esaki ta conduci na e hecho cu e rapport final di EY contra Croes, a presenta un bista mas negativo pa Croes. Ademas segun Corte, EY no a presta atencion na e interes di Croes, door di manda e concepto di e rapport den e forma cu el a mand’e. “EY no a haci suficiente pa evita e situacion indesea aki” Corte di casacion ta sigui bisa den su sentencia. Y corte ta bisa tambe cu pesey e ta yega na e conclusion final cu EY a haci su mes culpable na un acto illegal door di presenta un rapport cu no ta cumpli cu e reglanan corecto manera mester spera di un compania reputable di accountant, den cuadro di un rapport profundo pa cu e persona (Croes) na FLPD (Fundacion Lotto pa Deporte). 

REACCION ABOGADO

E abogado di Croes, Anthony Ruiz a reacciona hopi indigna riba e forma di proceder durante e conferencia di prensa dialuna mainta. Ruiz a repasa grandemente e fayonan cu EY a comete pa cu su cliente, y cu basa riba e hechos, nan (Croes) a gana su caso. Awor ta keda solamente pa cuminsa un caso di daño y perhuicio, aunke esaki lo nunca recompensa y restaura e imagen cu a wordo kibra di su cliente. Algo cu Croes tambe despues a confirma. E daño ta haci y ningun suma di placa por restaura e daño, Ruiz a sigura prensa. Ta premira un siguiente bataya cu por dura 10 aña atrobe, ya cu no ta kere cu EY lo entrega asina facil. Pero awor e caso lo bay mas sigur entre Croes y e compania di seguro di EY, ya cu ta den e direccion ey e caso lo bay. Croes mientrastanto fungiendo un aña y mei como parlamentario pa partido MEP, a gradici tur esnan cu a sostene y a bisa cu e ta cla pa e siguiente ‘guera’. Por lesa e veredicto AKI. 

  • Lejuez: Paskel a actua di defensa propio contra Sosa

    Lejuez: Paskel a actua di defensa propio contra Sosa

    ORANJESTAD – Corte a trata e caso di asesinato di Camilo Sosa diabierna den corte. Abogado pa e sospechoso A.Paskel, Chris Lejuez a bisa Hues cu e caso aki ta dificil pa tanto famia di acusado como famia di e victima. Abogado mr. Lejuez ta comparti punto di bista di Fiscal cu no ta premedita. El a bisa cu dia 2 September 2018, Camilo a mira cu Paskel tabata riba parking lot patras di Sand Bar y a bringa. Ora cu Camilo a dal Paskel na cara, el a perde cabez. Ora cu e otronan a bay yuda Camilo, Paskel a bira mas rabia. El a bay pero a keda cu hopi rabia y bolbe den su auto y a hinca Camilo. Abogad a bisa Hues cu e no ta haya cu Paskel a actua premedita pasobra e no a haya chens pa pensa mes kico tur lo por tabata e consecuencianan di loke el a haci, promer cu el a hinca.

  • Fiscal: Sospecho di asesinato tabatin intencion di mata Sosa

    Fiscal: Sospecho di asesinato tabatin intencion di mata Sosa

    ORANJESTAD -- Hues durante tratamento di e caso di asesinato di Camilo Sosa diabierna mainta den corte, a mustra cu dia 2 September 2018, e victima Camilo tabata hunto cu su amigonan riba e parking lot patras di Sand Bar. Camilo a mira Paskel y a bisa su amigonan cu Paskel a horta su auto. El a bay reclama Paskel y nan a bringa. Tres di e amigonan a yuda Camilo bringa contra Paskel. Paskel lo a cay y su t-shirt a kibra. Paskel a lanta y kita su t-shirt. Hues a bisa cu riba imagennan di camera di seguridad Polis a mira con Paskel y e otronan cu tabata hunto Camilo, tabata haci movecion manera ta bay sigui bringa pero nada no a sosode. Hues a bisa cu mirando cu e imagennan ta hororoso e no kier pasa esakinan riba pantaya pa tur hende den sala mira. Fiscal a bisa Hues cu e si kier pa confronta Paskel cu esakinan pero cu lo pasa e imagennan riba laptop di Fiscal dilanti Hues y Paskel lo bay dilanti mesa hunto cu su abogado pa mira esakinan. Hues a sigui bisa cu un rato despues Paskel a bay y Camilo cu dos amigo tabata canando. Diripiente ta mira Paskel ta core bay riba Camilo y tabata haci movecion di hinca  y a core bay. E amigonan a core tras di Paskel y Camilo ta zak den otro.

  • Fiscal a pidi 12 aña prizon pa asesino di Camilo Sosa

    Fiscal a pidi 12 aña prizon pa asesino di Camilo Sosa

    ORANJESTAD – Fiscal den e caso di asesinato contra e hoben Camilo Sosa a pidi 12 aña di prizon pa e sospechoso R. Paskel. E caso a cuminsa diabierna mainta 9’or, y ta continua pa resto di dia. Fiscal a mustra cu segun investigacion, e morto no tabata premedita, pero si a referi na un post unda cu Paskel a pone cu 10 aña cera ta miho cu 6 pia bou di tera. Keda pendiente pa mas informacion. 

  • Homber Ras acusa di a mata su pareha, ta dilanti huez diabierna

    Homber Ras acusa di a mata su pareha, ta dilanti huez diabierna

    ORANJESTAD – Diabierna mainta e homber  di inicial A. Ras cu ta wordo acusa di a intencionalmente tuma bida di su pareha dia 7 di november 2018, tin cu aparece dilanti huez. E ta wordo sospecha di a mata su pareha dor di hinke un of mas biaha cu un multitool na su pecho.  Ademas Ras ta wordo acusa di posesion di cocaine y marihuana riba 31 di maart 2018.

  • Caso di asesinato di Camilo Sosa ta tuma lugar diabierna den corte

    Caso di asesinato di Camilo Sosa ta tuma lugar diabierna den corte

    ORANJESTAD – E caso di asesinato di e hoben Camilo Sosa riba 2 di September 2018, unda cu e sospechoso R. Paskel tin cu presenta dilanti mesa berde ta tuma lugar diabierna mainta 9’or. Paskel ta wordo acusa di a intencionalmente tuma bida di un persona riba 2 di september 2018, dor di hinke un of mas biaha cu un cuchio. Tambe Paskel. ta wordo acusa di ladronicia riba 28 di oktober 2017 y di menaza y maltrato riba 29 di juni 2018.

  • OM: Tres sospechoso deteni relaciona cu porno infantil

    OM: Tres sospechoso deteni relaciona cu porno infantil

    ORANJESTAD – Tin tres sospechoso deteni actualmente relaciona cu un investigacion cu porno infantile na Aruba. Asina ministerio publico ta raporta diaranson atardi. Segun vocero di OM Ann Angela, for di cooperacion internacional entre cuerponan di investigacion criminal na diferente pais a resulta cu tin varios usuario di IP-adres na Aruba (aansluitingnan di Internet) cu ta envolvi den download y plama porno infantil. Jeugd- en Zeden Politie (JZP) y Recherche Samenwerkings Team (RST) a haci investigacion den e lunanan cu a pasa na e adresnan di IP Arubiano aki. 

  • Powered by SETAR