Total di 39 scol y 1485 studiante a haci verkeersexamen awe

SANTA CRUZ - Awemainta exactamente pa 9'or 39 scol rond di Aruba a participa den e verkeersexamen. Tur aña di nobo studiantenan di basisschool rond Aruba den klas 5 tin cu pasa un examen cu tin haber cu e reglanan di trafico.

Esaki ta pa 62 biaha cu ta wordo haci na Aruba. Un total di 1485 studiante a pasa nan examen e aña aki.

Cuerpo Policial Aruba tambe ta forma parti di e examen. Na tur scol rond di Aruba tin un agente policial presente especialmente riba e dia aki cu tin haber cu e examen di reglanan di trafico. KPA ta traha cu e reglanan aki y pesey nos tey presente pa stimula tur studiante e importancia pa sa bo reglanan di trafico.

Si for di chikito nos por educa y siñanan e regla di trafico, futuro di mayan nos tin hobenan cu sa nos reglanan riba caretera.