Lo analisa resultado di biahe awor, pa tuma decision final

ORANJESTAD – Mientras cu e ta considera e biaha hopi fructifero y productivo, ainda e no por bisa con esaki lo por afecta Aruba. Asina prome minister Evelyn Wever a bisa NoticiaCla riba su biahe di 2 dia pa Merca e siman aki. E mandatario a splica cu el a haya hopi informacion, y e informacion aki tin cu bay wordo analisa cu huristanan local, y dicidi kico ta e miho opcion pa Aruba. 

CONSECUENCIA

E mandatario a bolbe diaranson, y no a reuni ainda cu e huristanan entre otro. Pues ta dicifil pa determina ki consecuencia y resultado final e contenido di e reunionnan taba(tin) pa Aruba. Entre nan, e posibilidad pa Aruba tuma e refineria over, cu ta nifica cu no tin cu ‘worry’ cu Office of Foreign Assets Control OFAC, e instancia Mericano cu ta trata e.o. placa for di Merca pa exterior. 

REUNIONE mandatario hunto cu esun di Corsou, prome minister Eugene Rhuggenaath a reuni pa dos dia na Washington cu varios instancia, incluyendo Cas Blanco, World Bank, OFAC y Camara di Comercio.  Cada uno tabatin su embergadura y a plantea scenarionan interesante pa nos.  

REUNION PARLAMENTO

Mientrastanto awe tardi tin un reunion publico den Parlamento unda cu Wever tin cu splica e resultado di su biahe, y lo basicamente bisa mesun cos, esta cu tin cu analisa e informacion adkeri prome cu e por duna un conclusion final, fuera di bisa cu e reunion tabata fructifero y productivo. NOTA: Potret ta di un di e hopi reunionan cu e delegacion di Aruba y Corsou a tene na Merca e siman aki.