IBiSA ta organisa e 1-2-3k di Olimpiada Escolar y “Olympic Day” 2019

IBiSA ta organisa e 1-2-3k di Olimpiada Escolar y “Olympic Day” 2019

Posted on 05/16/2019 10:23 am AST | Updated on 05/16/2019 10:23 am AST

ORANJESTAD - IBiSA tur aña ta organisa e deporte escolar na unda mayoria di scol na Aruba ta competi contra otro den diferente disciplina deportivo den ekipo of individual. Pa e motibo aki nos ta anuncia cu diasabra 16 di Juni riba e parkeerplaats di Aruba Bank Camacuri, IBiSA, Comite Olimpico Arubano y Aruba Bank ta celebra den grandi e ‘1-2-3km Escolar’ como parti di e Olimpiada Escolar y ‘Olympic Day 2019’ na unda cada participante ta representa su scol.  

E interes pa participa na e competencia di 1, 2 y 3 kilometer, cual ta un competencia escolar riba calendar di IBiSA ta sumamente grandi. E aña aki ta bay tin oportunidad pa 500 mucha/atleta  participa na e magno evento deportivo aki, pero tambe kier recorda tur esnan interesa cu ultimo dia pa registra ta dia 12 di juni y por haci esaki via www.deporteescolararuba.com.  

IBiSA ta haci un apelacion na tur mayor pa e muchanan t’ey presente pa 6’or di mainta na Aruba Bank Camacuri pa busca nan Bib number. E careda mes ta cuminsa pa 7’or di mainta.  

Muchanan tin cu acudi na e mesa di registracion na unda ta indica e catagoria den cual e ta bay core. Prome cu e careda, tur mucha ta ricibi tambe un T-Shirt di “Olympic Day”. Ta prefera pa e muchanan bisti e T-shirt durante e careda. E caredanan ta bay tuma lugar den e sistema di ‘heat’ (den grupo), y e miho tempo di e prome 3 lugarnan den cada categoria di edad pa tanto mucha muher como mucha homber ta esnan cu ta wordo premia cu medaya.  

Premiacion ta tuma lugar na momento cu tur dato keda procesa despues di e careda. Despues di careda ta bay tin mas actividad riba e programa manera “Meet the Top Athletes”, demostracion di diferente deporte y un “Kids Corner” cu entre otro Dino Jump y pool.  

Pa mas informacion por yama 582 4987 y pidi pa e seccion di Deporte Escolar of por manda un mail na [email protected] Tambe por sigui nos atrabes facebook y Instagram IBiSA Aruba.

 

  • Xander Bogaerts a logra otro hazaña historico den baseball Mericano

    Xander Bogaerts a logra otro hazaña historico den baseball Mericano

    TORONTO – Durante e wega di baseball profesional Mericano, e pelotero profesional di Aruba, Xander Bogaerts, a logra otro hazaña importante pa su carera. Tabata durante e wega di diahuebs contra Toronto Blue Jays, cu el a bati su di 50 doblete di temporada. Boston a gana e wega cu score di 7-4. Loke ta haci e hazaña importante ta, cu ta Bogearts ta bira e di dos hungador di Boston den su historia, cu tin por lo menos 30 homerun y 50 doblete den un aña. Ta solamente David Ortiz a logra esaki na 2007.  E Arubiano ta drenta den historia di Major League Baseball, e di dos short shop cu ta logra esaki despues di Alex Rodriguez, cu a logra esaki na 1996. Mas prome e siman aki, Bogaerts a logra dal su di 1000 hit. Banda di Bogaerts, su colega di partido Rafael Devers ta su tras cu 29 homerun y 50 doblete. “Nos ta hopi orguyso di dje” manager Alex Cora a bisa di Bogaerts. “No ta solamente e cifranan, sino tambe loke e ta nifica pa e club, e lider cu e ta demostra di ta. Den un temporada malo, e t’ey tur dia”. 

  • Aruba a bolbe di ‘Panama Open 2019 Karate y Parakarate’ cu hopi medaya

    Aruba a bolbe di ‘Panama Open 2019 Karate y Parakarate’ cu hopi medaya

    ORANJESTAD - Recientemente (den weekend di 7 & 8 september 2019) e seleccion di Aruba Karate Bond  a participa na e ‘Panama Open 2019 Karate y Parakarate’, cu a tuma luga den ‘Arena Roberto Durán’ na Calle 116 Este na Panama City, Panama. E campeonato aki a conta cu un total di 700 atleta di 7 pais. Aki ta unda Aruba a sobresali tanto den categoria ‘kata’ (tecnica di karate) como ‘kumite’ (combate), treciendo cas 8 medaya (2 oro, 5 plata y 1 brons). 

  • Corsou ta empata 1-1 cu Haiti den wega dedica na keeper Pieter

    Corsou ta empata 1-1 cu Haiti den wega dedica na keeper Pieter

    PORT AU PRINCE – E seleccion nacional di futbol di Corsou a empata nan wega contra Haiti na un gol diamars atardi den e Nations League di CONCACAF na e pais anfitrion. Haiti a habri e wega cu e prome gol di Frantzdy Pierrot na di 15 minuut di e partido, pero despues net prome cu e di dos mitar, e wega a haya mas bida ora cu Corsou a marca su gol di empate na di 41 minuut. Mesora e marcador Elson Hooi a subi tereno cu e shirt na honor di compañero di partido Jarzinho Pieter cu un dia prome a fayece repentinamente na Haiti. Hungadornan di Corsou tabatin un cinta preto mara na nan braza, como tributo na nan colega di partido. A dicidi ayera cu e wega di awe, lo a sigui na honor di Pieter. Cu e empate aki, Corsou ta sigui na bida y ta sigui pa e proximo ronda. Potret ta di archivo di e wega di diasabra.

  • Aruba ta perde y Corsou ta gana su respectivo wega den CONCACAF Nations League

    Aruba ta perde y Corsou ta gana su respectivo wega den CONCACAF Nations League

    WILLEMSTAD – Mientras cu Corsou a gana nan wega historico contra Haiti 1-0 diasabra den Copa CONCACAF Nations League, Aruba ta cay venci cu e mesun score, 1-0 contra Guyana, na Corsou. Sheldon Holder a sigura cu Guyana por a mantene nan score perfecto, cu e score hinca den di 22 minuut di e partido pa sigura e victoria.  

  • Xander Bogaerts a rechasa intento di Yankees pa pag’e dobel pa firma

    Xander Bogaerts a rechasa intento di Yankees pa pag’e dobel pa firma

    BOSTON – E pelotero profesional di Aruba, Xander Bogaerts, a rechasa un oferta lucrativo di New York Yankees pa firma cu nan y a firma cu Boston. Esaki a bira conoci 10 aña despues cu Boston ta recorda e momento cu a firma e pelotero for di Aruba. Ta durante e raportahe aki, Bogaerts a confesa cu, ora cu Yankees a tende di e deal cu Boston, cu nan a core ofrece 2 biaha mas placa, pa e firma cu Yankees. Pero Bogaerts su tio a duna palabra caba, cu e lo a firma cu Boston. Dies aña despues, Bogaerts a converti su mes den e hungador mas cotiza di e ekipo, cu dos renchi di Serie mundial y cu tin un di e miho contractonan awor. Su prome contracto cu el a firma cu 16 aña di edad, tabata pa 410 mil dollar anual y awor cu 26 aña, e tin un contracto di 120 miyon dollar pa 6 aña, cu ta 20 miyon anual, cuminsando na 2020. E aña aki e ta ganando 12 miyon pa 2019. Tin henter un raportahe riba con a firma e pelotero for di Aruba completo cu e video cu e scout, cu a descubri Bogaert, a firma.    

  • Merca ta gana Corsou den final di Serie Mundial di Little League Baseball

    Merca ta gana Corsou den final di Serie Mundial di Little League Baseball

    WILLIAMSPORT – Despues di 10 dia, e Serie Mundial di Little League a termina, cu Merca (e ekipo di River Ridge Louisiana) ganando e titulo maximo diadomingo atardi cu score di 8-0, lagando e ekipo di Corsou na di 2 lugar. Un dia prome Corsou a sa di gana e titulo di International Little League Champions, ganando di Japon 5-4. Pero manera e structura real ta, Corsou mester a gana diadomingo di e representante di Merca, pa por a yama su mes campeon mundial. Pa Louisiana, esaki tabata nan prome titulo di Campeon Mundial di Little League, cu nan pitcher Egan Prather, cu no a permiti careda di Corsou. E ekipo di Merca a sali afor den di 5 inning cu 4 careda riba 4 hit. Corsou su unico momento real tabata den di 3 inning, ora cu nan a logra yena tur base, pero no a logra score careda. Prather a tira un wega completo. Pa loke ta Corsou, nan a demonstra cu nan tin talento y no a entrega durante henter e torneo. Mescos cu Louisiana, cu a perde na prome partido contra Hawaii, Corsou tambe a perde un partido (contra Sur Korea), pero a bounce bek y gana tur nan weganan siguiente y gana e titulo internacional diasabra. E unico otro wega cu nan a perde, tabata e final grandi. Di parti di gobierno di Corsou, Prome Minister a manda mensahe di sosten y pabien pa e ekipo y tambe e rednan social a keda inunda cu mensahe di felicitacion y sosten. Bunita tabata e sosten pa Corsou for di e otro islanan di Caribe Hulandes, cu a sigui Corsou manera ta nan mes tabata hungando. Pabien Corsou pa un bon trabou!

  • Powered by SETAR