Maduro a reacciona riba encuesta di BCA riba percepcion di consumidor

ORANJESTAD - E percepcion di e consumidor no a cambia mucho den e ultimo añanan. Asina minister di economia Xiomara Maduro a reacciona riba e ultimo boletin di Banco Central di Aruba. Ta trata di e encuesta cu Banco Central a publica riba e Confiansa di e Consumidor pa e promer kwartaal di 2019. Segun Banco su encuesta den e promer kwartaal di 2019, e consumidor su confiansa a bira menos compara cu e ultimo lunanan di 2018. “ Pero ora analisa e grafico y lesa e tabel, por mira cu e sentimento di e consumidor no tabata mucho diferente desde aña 2015 bin ariba” Maduro ta sigui bisa. Positivo si ta e expectativa di e consumidor cu su situacion financiero personal lo mehora den e proximo 6 luna y cu apesar di tur cos lo bay tuma vakantie, e mandatario a bisa.