Corte: Ta aplica ley pa caso di asilo conforme tratado

Posted on 05/14/2019 5:25 pm AST | Updated on 05/14/2019 5:53 pm AST

ORANJESTAD – E hecho cu Aruba den pasado a firma e tratado pa e.o. asuntonan di asilo, awe ta persigui nos isla y tin gobierno e.o. cu poco dolor di cabez. Asina huez Jaap Sap a splica e situacion brevemente di asilo y stranhero na Aruba. Mientras cu ta planeando un conferencia di prensa pronto riba e tema aki specifico pa duna e tema su atencion debido, el a duna un bista breve di kico ta pasando riba e tereno aki, cu ta encera nan tambe. Ultimo tempo ta hayando critica cu hueznan p.e. ta laga stranheronan bay, sino mas. Pero a splica kico nan tarea ta riba e caso aki. 

TRATADO CREANDO PESO AWOR 

 Dialuna durante un conferencia di corte di husticia di Aruba, huez Jaap Sap a confirma cu e consecuencia di tratado por ta no tabata bon conoci y awe e ta cobra su peso. Segun Sap, nan trabou como huez ta meramente pa tene tur hende na e regla y tratadonan ora cu trata e casonan di e.o. asilo politico y refugiado. Y consecuentemente tin momento cu esaki por hinca e pais den un situacion inoportuno. 

AUMENTO DI CASO

Segun Sap, den pasado e casonan cu a bin dilanti di stranhero/asilo no tabata nada hopi y nan tabata manehable. Awe, e situacion a aumenta di tal forma cu mester a informa gobierno di e maneho actual y con e leynan ta hinca den otro cu mester wordo ateni na dje den e casonan aki. Y aki ta unda cu ta parse cu no tur hende ta na altura of a compronde e embergadura di e tratadonan y e leynan cu ta mara na esaki. 

DERECHO Y DEBER

Sap a sigui mustra cu tur hende mester ta na altura di kico nan derecho y deber ta, tanto e stranheronan envolvi, como gobierno. “Y mi ta conciente cu dado momento ora cu aplica e regla y ley segun tratado, e pais ta haya su mes den un situacion no mucho oportuno” Sap a bisa. Pero ley ta keda ley y nan tey simplemente pa aplica esaki manera cu e ta prescribi. E tratadonan segun Sap ta netamente un proteccion contra actuacion di gobierno (si esaki ta uno incorecto). 

  • Corte di Aruba cu bandera halfstok pa recorda abogado Hulandes likida

    Corte di Aruba cu bandera halfstok pa recorda abogado Hulandes likida

    ORANJESTAD – Awe e banderanan na edificio di Corte di Husticia di Aruba, Corsou, Sint Maarten y Boneiro, mescos cu na Hulanda ta bula halfstok. Cu esaki, Corte ta duna oido na abogado di Hulanda pa recorda e abogado y huez suplente, Derk Wiersum, cu diaranson ultimo (ayera) a keda likida. E atentado brutal a haci un impresion serio na corte di Aruba, Corsou, Sint Maarten, Boneiro, Sint Eustatius y Saba, segun un comunicado di Corte di Husticia. 

  • Sospechosonan di maltrato di adicto ambulante, ta liber atrobe

    Sospechosonan di maltrato di adicto ambulante, ta liber atrobe

    ORANJESTAD - Huez-comisario a dicidi awe pa pone e cuatro mucha hombernancu a keda deteni riba 4 di september ultimo relaciona cu un incidente caminda un persona a wordo maltrata, den libertad. Manera NoticiaCla.com a raporta mas prome sinembargo, un rato prome fiscal di husticia a dicidi pa alarga detencion di e sospechosonan.Huez-comisario a considera cu tin suficiente sospecho contra e dos mucha hombernan cu lo a maltrata e homber, kende ta un adicto ambulante. Sinembargo, ta trata di sospechosonan hopihoben cu ainda ta bay school, cu ademas a cooperacompletamente cu interogacionnan na polis. Tumando na cuentae derechonan di mucha y tambe e circunstancianan bao di cual e mucha hombernan aki lo mester a keda deteni, huez-comisario a dicidi pa laga nan bay.Pa loke ta e otro dos mucha hombernan cu ta wordo sospecha di filma e maltrato, huez-comisario a haya cu tin insuficienteprueba pa complicidad den maltrato di e persona.

  • Detencion di 4 hoben cu a bati un adicto ambulante, a keda prolonga awe

    Detencion di 4 hoben cu a bati un adicto ambulante, a keda prolonga awe

    ORANJESTAD – Detencion di tur cuater hoben envolucra cu maltrato di un homber adicto ambulante, a keda prolonga diabierna (awe) cu 8 dia. Vocero di ministerio publico Ann Angela a confirma solamente cu e cuater hobenan, edad 12 (2x), 13 y 14, nan detencion a keda prolonga. “En principio”, cu ta nifica cu e prolongacion ta uno ‘standard’ di 8 dia, pero si keda cla mas tempran cu investigacion, lo laga nan bay mas prome of te hasta prolonga nan detencion. 

  • Corte a prohibi compania pa amplia cantidad di camber basa riba moratorium

    Corte a prohibi compania pa amplia cantidad di camber basa riba moratorium

    ORANJESTAD – Corte a rechasa demanda di e compania Prime View Eagle Beach Resort diaranson. Esaki ta encera entre otro cu e compania no ta permiti pa amplia camber di hotel y of bin cu un boutique hotel na Eagle beach y tampoco ta haya derecho pa haya opcion di tereno extendi. Asina huez a dicta den sentencia diaranson ultimo. E hecho cu den pasado (2011) minister e tempo ey tabata positivo pa cu e proyecto, no ta suficiente motibo pa duna nan razon. Corte a motiva cu Prime no a motiva nan preocupacionan suficientemente. Entre nan prolongacion di opcion riba tereno, y e permiso pa por construi un boutique hotel acerca di loke tin caba, esta Manor Beach Resort. Gobierno su argumento cu Prime no a cumpli cu e rekisitonan, a keda proba segun corte. Ademas e tipo di expansion cu Prime kier bin cu ne, no ta conforme e maneho di moratorium. Aki tambe e argumentonan contra, no tabata suficiente pa convence corte otro. Como tal huez a dicidi di rechasa e demanda di Prime y nenga nan e peticion pidi. 

  • Corte: FLPD mester tuma Di Stefano Wernet bek na trabou

    Corte: FLPD mester tuma Di Stefano Wernet bek na trabou

    ORANJESTAD – Despues cu e partidonan no a logra yega na un acuerdo mutuo, huez a dicta sentencia, den e caso cu Di Stefano Wernet a entama contra directiva di Fundacion Lotto Pa Deporte (FLPD) recientemente. Wernet a informa corte dia 2 di augustus cu no por a yega na otro, manera cu huez a pidi. Como tal, huez a ordena FLPD pa paga Wernet su salario atrasa for di januari 2019 y tum’e bek na trabou y permitie eherce su trabou como director. Si e ultimo aki no sosode, FLPD tin cu paga un multa di 1000 florin pa dia te un maximo di 100 mil florin.

  • Si minister no tuma decision conforme sentencia, corte lo impone multa

    Si minister no tuma decision conforme sentencia, corte lo impone multa

    ORANJESTAD – Si dentro di tres luna, minister no tuma un decision riba un peticion haci pa un compania pa un consesion, e por costa pais Aruba hopi placa. Despues di varios intento, ainda gobierno di Aruba a haya un otro sentencia den su contra, pa loke ta tumamento di decision pa un proyecto di telecomunicacion. Despues cu un otro compania recientemente tambe a trata nan caso den corte pa algo similar, awor ta trata uno otro ‘bieu’, cu tambe a pidi huez ordena gobierno (lesa: minister di Telecomunicacion) pa tuma un decision. Den e caso aki ta trata e compania comercialmente yama Digicel Aruba, cu a pidi pa concede dos concesion adicional, pero cu minister no kier contesta. 

  • Powered by SETAR