St Maarten inunda debi na awacero torencial

PHILLIPSBURG – Awacero torencial for di diabierna anochi a pone cu gran parti di St Maarten ta inunda diasabra mainta. Entre e areanan inunda ta e caminda pa aeropuerto banda di edificio di carga, e caminda entre Maho y Cupe Coy. Na Cole Bay Hill, tin baranca, piedra cu a los cu ta cay for di e sero riab e caminda Belaire Cay. Hopi di e camindanan rond, tambe ta bou di awa. Segun informacion cu NoticiaCla.com a ricibi diasabra mainta di St Maarten ta cu ainda tin awacero ta cay y cu enberdad tin hopi awa. E riw di awa dushi su borde a surpasa, y asina tin mas situacion cu ta fastioso.

Tabata diabierna atardi 6or cu gobierno di St Maarten a emiti un boletin di ‘awacero pisa’ cu tabata den efecto te cu diadomingo awor. Esaki tabata ensera menasa pa awacero torencial y peliger pa inundacion.