Minister a anuncia boutique hotel pa Caya Betico Croes

ORANJESTAD – Caya Betico Croes (conoci como Caya Principal den Oranjestad ) ta haya un boutique hotel. Asina minister di turismo Dangui Oduber a informa riba su pagina di Facebook dialuna mainta. Segun a mandatario, conforme su maneho, dirigi riba un desaroyo sostenibel estilo,   e minister a haci e anuncio. “ Den esfuerzonan di gobierno na rebiba Caya Betico Croes esaki ta fit den e vision di minister Oduber y gobierno”. E mandatario a sigui bisa cu e ta mas contento ainda cu esaki ta di inversionistanan local ‘cu ta kere den Caya Grandi'. E no a duna detayes ken e inversionistanan ta si. Un boutique hotel ta un hotel chikito, di algun camber, cu cierto forma di luho cu ne.   

DETAYES

Den un comentario separa di e mandatario dialuna mainta pa NoticiaCla, el a splica cu e boutique hotel lo ta uno  ‘autentico di 26 kamber, restaurant, “rooftop terrace”, pool, y parking’. Ademas, e lo ta un diseño inspira door di nos historia y cultura cu lo refleha e orguyo Arubiano. “E “Boutique hotel” lo acomoda e demanda di tourista nan nobo cu ta busca un experiencia autentico. Strategicamente situa den Caya grandi pa asina stimula mas trafico local, turistico y mas negoshi complementario” Oduber a sigui bisa. Pa loke ta construccion, e mandatario a bisa cu e proyecto ya ta den un fase  advansa, pa cual ta spera un comienso di construccion  prome cu fin di aña 2019.