Auto a dal den palo di luz y cura na Calbas despues di hit and run

CALBAS - Riba e caminda di Catiri diadomingo anochi chauffeur di un sentra a dal den un auto y a sigui core bay nort. Rato despues polis ta topa cu un auto cu a dal den un palo di luz rancando esaki completo y dal den cura di cas. A constata cu e auto aki tabata den e hit and run rato prome. E chauffeur den e auto no tabata por a sali pero unidad di brandweer cu a presenta a logra habri e porta. Paramedico di ambulance tabata presente pa atende cu e victima. Elmar tambe a keda poni na altura di e caso.