Apertura di frontera entre Venezuela y Aruba so, no ta oportuno

ORANJESTAD - Apertura di e frontera entre Aruba y Venezuela so na e ora aki no ta oportuno. Asina gobierno di Aruba a reacciona diabierna riba e noticia di NoticiaCla cu Venezuela unilateralmente a habri e frontera bek cu Aruba, pero no e otro dos islanan Bonaire y Corsou. “ Gobierno di Aruba a tuma nota di declaracionnan di vice presidente di Venezuela cu e frontera entre Venezuela y Aruba ta wordo habri. Gobierno di Aruba no a haya notificacion aki ainda y ta buscando confirmacion pa por evalua e sigiente pasonan” Wever a sigui bisa.  

E REAPERTURA

Manera NoticiaCla a informa awe mainta, despues cu na mitar di februari di e aña aki Venezuela a bolbe cera frontera cu islanan ABC, diabierna NoticiaCla a haya e primicia cu Venezuela lo habri e frontera bek, pero solamente cu pais Aruba. E motibo cu ta habri solamente Aruba, ta pasobra Corsou a bay di acuerdo pa wordo usa como hub pa ayudo humanitario. Algo cu Venezuela nunca no a aprecia y a vocifera, cu ta pa e motibo ey a bolbe cera frontera. Asina Tarek El Aissami, Vicepresidente del Área Económica a bisa diabierna mainta. Keda pendiente pa mas informacion pa haya sa exactamente kico tur esaki ta implica.