DOW y Mota Engil ta habri cruzada Fermins Bar diabierna atrobe

ORANJESTAD – DOW y Mota Engil a dicidi pa habri e crusada na altura di Fermins Bar diabierna atrobe, pendiente desaroyo y decision kico ta bay haci pa cu e rotonde (#17) eynan. Esey nan a informa durante un conferencia di prensa diahuebs mainta. Manera ta conoci, tabata un luna pasa cu a cuminsa cu e trabounan pa traha un rotonde eynan, pero na caminda, trabou a para, pa un disputa cu DOW/Mota Engil a haya cu e habitantenan eynan pa camindanan cu lo ta stroba e habitantenan di yega nan cas. A para e trabou y awor lo habri e caminda estilo un cruzada regular, pendiente e siguiente plan. A pidi pa tene cuenta cu tin trabou eynan pues pa ta cauteloso. NOTA: E potret ta di momento cu a cera e caminda dia 5 di april ultimo pa cuminsa cu e construccion di e rotonde.