Oduber: Aruba a conoce,082003 Stay Over Arrivals den 2018

ORANJESTAD - Minister di Turismo Dangui Oduber a anuncia diaranson den un comunciado cu e data di Radex oficial a drenta y ta confirma cu na aña 2018 Aruba a ricibi un total di 1082003 “Stay Over Arrivals”. Stay Over Arrivals ta tur e turistanan cu a bin pa keda un termino mas cu 1 anochi na Aruba. Compara cu 2017 esaki ta un crecemento di 1.1% apesar di a perde e mercado di Venezuela casi por completo. E promer mercado esta esun mericano a aumenta drasticamente y a percura pa recupera e perdida di Venezuela. Radex ta e systema cu ta wordo uza pa Imigracion di Aruba pa midi cuanto turista ta drenta y sali na nos porta nan di entrada, esta Aeropuerto Reina Beatrix y Aruba Ports Authority. Pa loke ta trata “Cruise Arrivals”, Aruba a conoce un total di 815161 pasehero di crucero den aña 2018. Na aña 2017 esaki tawata un total di 792403, es decir cu tambe den e area di Turismo di crucero tawata tin un crecemento di 2.9%!