Gobierno a para tur trabou na Seroe Cristal y Babijn

ORANJESTAD – Gobierno a para e trabounan na Seroe Cristal y Babijn di coba pa santo y pa piedra pa construccion inmediatamente. Esaki gobierno a informa e tres companianan cu ta opera eynan, esta Bess, Cala Romana, Caribbean Beton segun minister di infrastructura Otmar Oduber den un conferencia di prensa diaranson mainta. A avisa tur tres grupo cu e trabounan no ta cuadra cu maneho cu gobierno actual tin y leynan cu tin na vigor riba e asunto aki. E area specifico aki ta uno berde, ta wordo conserva. Despues di hopi aña di no a contesta riba e hindervergunning, a contesta e respectivo companianan cu nan lo no haya e vergunning pa sigui traha. Dos di e companianan aki, Bess y Caribbean Beton ya caba a adapta nan operacion, pero di Cala Romana ainda no ta sigur, kico ta pasando cu nan. Pero e mandatario a sigura NoticiaCa cu si e compania sigui cu su operacion, e lo wordo para mesora y haya multa acerca. Pa otro companianan cu ta operando otro caminda, lo duna nan te 1 di januari 2021 pa adapta nan operacion. Nan tin cu pidi un aanleg vergunning pa por continua cu nan trabou na cierto areanan.