Neysa Isenia a gradici pa bira minister pa Desaroyo Economico

WILLEMSTAD – E persona cu mester a reemplaza ex minister Steven Martina pa minister di  Desaroyo Economico, sra Neysa Isenia a gradici pa e oferta, pero finalmente a rechasa esaki. Den un carta cu e ta firma, Isenia ta splica kico a conduci na su decision pa no asumi e funcion di minister, aunke cu e tin tur siguransa cu ”conforme tur leinan vigente, mi ta apto pa ta un sirbido di mi pueblo”. Inicialmente e ta confirma cu el a bay di acuerdo “ mirando e situacion cu nos pais ta aden i sabiendo e empen?o cu semper mi tin, esta, pa sirbi mi pais como un yiu di tera hoben profesional cu alaves kier mira nos Co?rsou bai dilanti”. Pero ta politica y podernan tradicional a opone esaki segun Isenia. “ Lamentablemente poli?tica i podernan tradicional si no ta cla pa e cambio tan necesario i a opstrui? na tur manera, cu hopi creatividad y ademas sin ningun base, mi postulacion como un minister pa mi pais”. E ta haci mencion tambe na e hecho cu a purba susha su nomber, y e keho cu el a entrega na ministerio publico, y no ta exclui un caso sumario civil. “ Mi a participa formado i directiva di Partido Man cu mi no ta disponibel mas pa ocupa e funcion di Minister”. E ta pidi tambe pa hobenan cu ta sinti nan mes yama pa sirbi e pais, pa no laga esaki descurasha nan. “ Politica tradicional tin nos pais caminda nos ta aworaki. Corsou merece miho” Isenia a sigui bisa. Lesa e carta completo AKI.