Senador Mericano kier copia ley di Aruba cu ta prohibi saco di plastic

NEW JERSEY – Basa riba e ley cu Aruba a pasa aña pasa cu ta prohibi  uso di saco di plastic, algo similar lo por haya bida na New Jersey proximamente. Un senador Mericano di vacacion na Aruba, Bob Smith, a tuma nota di e ley na Aruba durante su vacacion, y a haye un bon idea.  E democrata, kier pa e ley, cu ta inclui prohibicion pa rietje di plastic y baki di cuminda di foam, pa tambe prohibi saco di papel. E ley actual na vigor na e eestado, ta cobra usuarionan 10 sen pa saco di papel. Pero Smith kier elimina hasta esey. Segun Smith, durante su vacacion na Aruba, ningun hende tabata ‘zeur’ pa e prohibicion y un suma pa cobra pa saco di papel. 

Segun Smith, e ley actual tin bon intencion, pero e acercamento no ta completo y ta insuficiente. Cobra pa uso di saco di papel, no ta suficiente y no ta atende cu e problema mes di e tipo di saconan aki. 

Aruba a pasa e ley aña pasa y esaki a drenta na vigor na januari ultimo.