Bapor den quarantena Freewinds ta keda Corsou te diaranson

WILLEMSTAD, Curacao (AP) — E bapor crucero Freewinds lo keda den haf di Corsou por lo menos te diaranson. Asina Autoridad di e isla a bisa diamars. Tin 318 persona a bordo, y e medico di Corsou cu a subi abordo, hefe di departamento di Salud di e isla, Izzy Gerstenbluth a bisa prensa asocia (AP), cu oficialnan di salud a tuma prueba sanger di 277 persona y a  manda nan Hulanda dialuna. E ta spera un resultado diamars of diaranson, y ta bisa cu e atmosfera abordo ta bon y cu tur hende ta cooperando. Segun Gerstenbluth, 31 miembro di tripulacion y 10 pasahero a prove un certificado di vacuna y cu e resto ta vacuna. “Pero esey ta pa futuro, e lo no yuda nan awor”.   

DECISION

Segun Gerstenbluth, e decision pa laga e pasaheronan y tripulantenan bandona e barco, lo tuma lugar despues di consulta cu e oficialnan di salud na Hulanda y Pan American Health Organization. Sarampi a haci mas di 700 hende malo den 22 estado Mericano e aña aki. Simptoma ta inclui keintura y marca di pipita cora. Mayoria hende ta recupera, pero sarampi por conduci na numonia, hinchamento di cabez y te hasta morto den cierto caso. 

Potret cortesia Dick Drayer