SAC a entama caso contra gobierno pa asunto di permiso

ORANJESTAD – Stichting Arubaanse Carnaval (SAC) a entama un caso sumario contra gobierno di Aruba, particularmente Minister di Asuntonan general Mike Eman, y minister di Cultura Otmar Oduber. E motibo di e caso ta pa stop gobierno di otorga mas permiso na organisacion nobo cu a haya permiso pa organisa carnaval, esta SMAC (Stichting Maneho di Aruba su Carnaval) Como cu ta trata di un caso di LAR, e nomber ta ‘voorlopige voorziening’. E demanda di SAC, segun abogado Darrin Crouch a splica NoticiaCla.com diahuebs atardi, ta cu kier prohibi gobierno pa otorga cualkier otro permiso di Carnaval. E hecho cu SMAC tin permiso pa organisa un actividad di apertura di 11-11-2014, e abogado ta laga bay pasobra ‘SAC tambe tin permiso pa esaki’.

No ta conoci ki dia e caso lo bin dilanti, pero Crouch ta premira cu esaki lo ta cuestion di algun dia, mirando e urgencia cu e tin pa cu tratamento di e caso, mirando cu no tin hopi tempo mas cu ta keda pa cu e inicio di periodo di Carnaval.