Polis a detene prisonero cu a huy for di KIA un rato prome

SAN NICOLAS – Un rato pasa e unidad canino di polis K9 a gara e fugitivo cu a huy for di KIA. Tabata den oranan di merdia cu e fugutivo di inicial E.O.E.F. Lindenborg cu a huy for di KIA na Santo di Patia. Polis a activa mesora y asina a haci un buskeda a logra detene e persona aki na Yuwana Morto Complex den apenas 45 minuut. Segun vocero di polis Lito Laclé, e melding tawata 14.47pm y detencion tawata 15.28pm. Un rato prome NoticiaCla a raporta e suceso aki. E departamento di K9 a logra pone man riba e homber, en espera di refuerso policial. Durante e periodo cu e tabata deteni abou na suela, periodista di 24ora a logra papia cu ne, unda cu e prisonero a bisa cu e la huy pasobra e ta fada di e situacion inhumano den KIA, y cu e tin 8 luna cera. Su caso ta pa motibo droga, y el a huy. “Mi kier bay sinta mi castigo na Hulanda. Por lo menos eynan mi por wak mi famia” e prisoner Lindenborg a sigui bisa.