Cruzada ‘popular’ Wayaca/Primavera atrobe sitio di accidente di auto

ORANJESTAD – Un biaha mas diahuebs merdia, e cruzada ‘popular peligroso’ di Wayaca/Primavera tbata e sitio di otro accidente di trafico entre dos auto. Y por poco, a bolbe kibra e muraya di e bisiña, pa di tantismo bez. E cruzada aki a cobra bida di hende caba, y ainda e automobilistanan no ta respeta trafico y ta sigui causa accidente na e lugar. For di tempo cu a traha riba Green Corridor, y cu e caminda ey mester a bira un via alternativa, a pone borchi grandi y marca e caminda pa indica ken tin ‘voorrang’. Pero parse cu ni asina automobilistanan ta siña. Awor habitantenan di e barrio ta pidiendo autoridad competente pa pone ‘sleeping police’, pa wak si esey por yuda. Nan ta man na cabez, pasobra e accidentenan aki ta sosodiendo demasiado biaha. Berdad ta responsabilidad di automobilista, pero  den e caso aki, nan (habitantenan di e barrio) ta pidi pa un posibel ayudo mas.