Bapor crucero Freewinds den quarantena na St Lucia pa sarampi

ORANJESTAD – Casi 300 persona ta den quarentena riba e bapor crucero conoci Freewinds na waf di e isla di St Lucia, despues cu un miembro di tripulacion a keda confirma cu e malesa di sarampi.  No a permiti e tripulacion y pasaheronan di bandona e bapor durante e periodo di quarentena. E miembro di tripulacion ta un persona femenino. E bapor ta uno conoci pa Aruba ya cu frecuentemente e ta na nos waf. Segun e schedule di Aruba Ports Authority, Freewinds no ta programa pa ta na Aruba durante luna di mei.