JZP: 12 keho di abuso sexual registra caba pa 2019

ORANJESTAD - Jeugd en Zeden Politie a registra 12 keho di abuso sexual den prome 4 luna di 2019. Asina e departamento a informa den un comunicado diahuebs mainta. A splica tambe cu JZP  tin como tarea entre otro pa investiga casonan penal di sospechosonan bou di 18 aña y alaves casonan inmoral.

For di 1 di januari 2019 te cu 30 april 2019 Jeugd en Zeden Politie a tuma e siguiente denuncianan pa cu casonan inmoral:

12 keho di abuso sexual (Victimanan di 16 aña of mas).

19 ontucht zaken ( Mucha bou 12 aña art. 2:199  Wetboek van Strafrecht y mucha  entre 12 cu 15 aña art. 2:200 wetboek van Strafrecht )

Januari 2019:     tabata tin 11 denuncia di cual 7 tabata abuso sexual y 3 tabata ontucht

Februari 2019:   Tabata tin  9 denuncia di cual  3 tabata abuso sexual y 5 tabata  ontucht  

Maart 2019:       Tabata tin  9 denuncia di cual 1 tabata abuso sexual y 4 tabata ontucht

April 2019:          Tabata tin  12 denuncia di cual 1 tawata abuso sexual y 7 tabata ontucht

En total 33 sospechoso a wordo deteni cu a bay in verzekering.

Na Jeugd en Zeden politie tin 8 recherche trahando,  di cual 3 ta certifica pa interoga ( Studioverhoor) mucha bou 12 aña.

Tur informacion ariba cada caso specifico ta keda na prerogativo di Ministerio Publico si e ta bay den detayes si of no.