Opendag di Marinierskazerne atrobe a hala miles di hende

SAVANETA – Manera ta custumber, un biaha mas e opendag di Marinierskazerne tabata e evento mas bishita porta na Aruba riba dia di labor. Cifranan cu ta menciona ta core den 20 pa 25 mil persona anualmente segun e comandante Timon van Dishoeck na NoticiaCla. For di prome cu 10’or tabatin fila largo para dilanti di e kazerne, cu hende interesa pa drenta. Tabatin e acostumbrado eventonan manera demonstracion di marinier, K9, Arestatie team y mucho mas. E tabata un bon forma pa comunidad wak atrobe kico tur mariniernan ta haci na Aruba. Tin un total di 300 persona ubica den e facilidad di cual 150 ta marinier. Y for di e grupo aki tin 35 cu ta di Arumil, y nan ta parti atrobe den dos grupo. Loke tabata hopi popular tabata e asina yama ‘food court’, unda cu tabatin un asortimento grandi di cuminda. Muchanan tambe no a fada ningun rato ya cu pa nan tabatin lugar di pinta cara, tira cu arma, tereno cu obstaculo, muha pelon cu awa di bombero y mucho pero mucho mas.