Arestatieteam y Cuerpo di Mariniers a mustra nan capacidad durante opendag

SAVANETA – E team di aresto di KPA y mariniers di MariniersKazerne a demonstra nan capacidad ora di atende cu disturbio. Usando varios scenario, for di hobenan rebelde te na secuestro di un bus di mucha di scol, y finalmente haci un entrada hudicial, nan a demonstra dilanti un publico grandi, cu nan ta capaz y hopi professional den combati criminalidad. Mes momento e tabata un oportunidad pa MZK demonstra nan vehiculonan nobo Anaconda, cu recientemente nan a adkeri for di Hulanda. Tabatin mas demonstracion, manera un yegada na tera door di e patruya di Warda nos Costa, cu a demonstra con nan ta intercepta un boto cu persona ariba, riba laman y tambe con nan ta yega tera y gara algun persona bon arma, y tira uno mata. Interes pa tur e demonstracionan aki tabata hopi grandi, y publico a mira bon con ta actua den casonan di crimen organiza.