Crisis Venezolano a sobresali na St Maarten durante reunion ‘KOBB’

ORANJESTAD – E tema di crisis na Venezuela tabata punto number uno riba agenda di e reunion di ‘Koninkrijk Overleg Buitenlandse Betrekkingen’ dialuna na St Maarten. Durante e reunion ey prome ministernan di Aruba, Corsou y St Maarten tabata presente hunto cu minister di Relacionan Exterior di Hulanda Stef Blok. Durante e reunion aki tur esnan presente a confirma cu e reunion tabata exitoso y cu palabracionan concreto y productivo a tuma lugar. 

VENEZUELA

E reunion a toca hopi riba Venezuela, unda cu Blok a confirma cu e situacion ta keda tenso y fragil. Y cu Hulanda ta keda comprometi cu ayudo den e forma ya conoci. Aruba su prome minister Evelyn Wever Croes a reitera e problemanan cu tin cu Venezuela, primordialmente e parti migratorio y e retonan cu nos isla tin.” Nos a cera algun bon acuerdo y areglo riba e tema” Wever a bisa durante e conferencia, pero no a bisa kico specificamente esaki ta nifica.