WEB: Un problema cu e bliksem afleider a causa blackout

BALASHI – Un fayo den e ‘bliksem afleider’ (lightning arrester) den e turbine di gas (esun di emergencia) tabata e causa di e problema na WEB cu a resulta den un blackout total na Aruba diadomingo anochi pa 7:15pm.  E prome señal di problema (boiler a trip pa 5:18pm) a keda atendi, causando desbalanse den e sistema di coriente. A purba haci un 'blackstart pa 7:57pm, cu no a dura largo, y despeus di un rato e sistema a cay atrobe. E momento ainda, no a logra identifica e problema. Ta te 9pm mas of menos a bin haya sa e problema, y a cuminsa traha riba dje pa remedia esaki. Asina e director di e compania WEB, Luis Oduber a splica durante un conferencia di prensa. E problema cu e turbine no tabata den operacion, a pone cu e e problema no a wordo detacta mas prome, ya cu segun Oduber, como cu e turbine no tabata den servicio, no a kere cu ta eynan e problema lo tabata. Dunando un splicacion hopi tecnico, e expertonan di WEB a purba duna un synopsis di e situacion y con nan a haci pa por a logra reestablece e coriente bek. A sigura NoticiaCla cu esaki ta un otro les cu nan a siña cu pa futuro por wordo elimina. E trabounan tabata hopi, e ekiponan a traha duro, y esey a pone cu toch, pa 4:40am, a logra suministra full Aruba cu coriente. Elmar tambe a presenta y tabata den comunicacion henter anochi pa por a reestablece coriente rond di full Aruba.