A detene chauffeur pa accidente cu a laga polisnan herida

ORANJESTAD - Awe diadomingo madruga pa 4:25 central di polis ta wordo notifica door di coleganan di kust surveillance cu nan ta envolvi den un accident na altura di ex hulp bestuurskantoor Savaneta. Na yegada di patruya ta pidi pa ambulance di biaha mirando cu tin 3 colega di kust surveillance herida. Por a bin compronde cu probablemente e kust surveillance a bay para un pick up toyota hilux y durante nan ta bezig ta atende cu e chauffeur di e pick up , un toyota scion shinishi biniendo abao a bin dal tras di e kust surveillance cu concecuencia cu 3 colega a keda herida . E chauffeur di e toyota scion a wordo deteni y hiba warda di polis. Specialista di trafico a presenta y tambe polis technico pa haci nan investigacion. E tres coleganan a wordo transporta pa hospital y nan situacion ta stabiel.