Ronan van Putten a ricibi Copa Hubenil Gobernador Felipe B. Tromp

ORANJESTAD – E hoben Ronan van Putten a ricibi e Copa Hubenil Gobernador Felipe B. Tromp pa 2019 diasabra mainta for di Gobernador di Aruba S.E. Alfonso Boekhoudt. Hunto cu ne, a entrega premio di estimulo na Priscilla Quant, Zayna Maduro y Rebecca Jansen. Despues di e ceremonia protocolario, a sigui e acostumbrado defile. 

TRAYECTORIA

E hoben di apenas 19 aña, Ronan, ta un studiante na EPI, y ta gusta bay cinema, practica diferente deporte y tambe ta active den varios club social, di cual e la ocupa posicionan halto. Fuera di esaki, Ronan a ricibi varios recomendacion pa su trabou boluntario den comunidad. 

Priscilla Quant 

Pa loke ta Priscilla Quant (17) e ta bay Colegio, y ta hopi activo riba tereno deportivo y social. 

Rebecca Jansen

Rebecca Jansen (17) ta bay Colegio tambe y ta hopi activo riba tereno deportivo, manera ciclismo, coremento, y landamento. 

Zayna Maduro

Zayna Maduro (13) ta gusta e deporte di gymnacio y ta practica esaki for di un edad aun mas chikito. Potretnan di drone ta di NoticiaCla, y e otro potretnan ta cortesia di Seever Krozendijk.