Evelyn Wever: “Corte a dicta cu Diario a actua abusivo y incorecto contra mi casa”

ORANJESTAD – “Dios ta grandi” tabata prome palabranan di lider di partido MEP, Evelyn Wever Croes, despues di tende e veredicto di corte entre su casa Kenneth y e matutino Diario. “ Awe corte a dicta cu Diario a actua abusivo y incorecto contra mi casa cu acusacionnan infunda y mester rectifica mesora, ademas paga daño y tur gasto di abogado” Wever a bisa. Segun e lider di e partido heel, esaki ta muestra cu hues kier mustra Diario cu nan a abusa demasiado! “Husticia a vence! Ohala cu esaki sirbi pa señal pa e medio di comunicacion aki y su reportero realisa cu trabou di prensa mester ta obhetivo y no mester ta pa kibra un hende cu no a hasi nada malo” Wever a sigui bisa. E la gradici un y tur pa nan apoyo.

Mes momento, su abogado (cu ta mesun abogado di su casa) Anthony Ruiz a bisa NoticiaCla.com diaranson mainta cu e no ta recomenda Wever Croes pa e tambe lanta un caso pasobra no ta necesario mas. Mirando con amplio e veredicto tabata, huez tabata hopi cla cu no a sosode nada illegal. Y mesun cos cu a conta pa su casa, ta conta pa Wever Croes. Pues e recomendacion di e abogado ta, pa Wever Croes no bay corte mas.