OM na Hulanda a suspende PG pa violacion di regla di integridad

DEN HAAG -  A base di un rapport publica di e commission Fokkens, top di OM a suspende PG Marc Van Nimwegen. For di aña pasa, e tabata cu ‘vacantie obligatorio’, y a prolonga esaki. E motibo ta cu e PG a viola e.o. regla di etica di integridad y conducta, door di un relacion personal (affair) cu e fiscal mayor Marianne Bloos. E commission investigador, ta haya cu e liderasco etico na Ministerio Publico mester wordo fortifica. E commission cu a haci e investigacion a raiz di un relacion entre e PG y e fiscal mayor, ta constata un cantidad di problema ‘cu no por wordo considera como incidente’.  Falta di liderazco desaroya, a yuda conduci na e conducta investiga y no actuacion, y dentro di OM tin tambe tin e cultura di descontento pa e falta di transparencia pa cu nombracionan. Tur esey mester cambia segun e commission. Potret cortesia NOS.