Rofles Liesdek ta bira di 4 morto di trafico pa 2019

ORANJESTAD - Awe diaranson mainta pa 8:09 central di polis ta wordo notifica di un accidente entre un auto y un brommer na altura di Ting Wei supermarket na Rooi Santo. Na yegada di patruya ta pidi ambulance cu urgencia mirando e situacion di e chofer di e brommer. Specialista di trafico a presenta ne sitio di e sucedido y tambe polis technico.  Probablemente e auto Hyundai Getz color blauw numera A-48943 bayendo direcion noord lo a crusa dilanti e brommer numera MFA-1701. Ambulance a transporta e victima cu urgencia pa hospital pero pa 9:08 dokter ta constata morto di e chauffeur di e brommer  Rofles H. Liesdek  naci 2 februari 1975 Surinam.  Esaki ta di cuatro morto den trafico pa aña 2019. NoticiaCla y Cuerpo Policial kier a manda palabra di condolencia na e famia di e fayecido.