BCA cu maneho monetario mas restringi pa Aruba

BCA cu maneho monetario mas restringi pa Aruba

Posted on 04/23/2019 4:49 pm AST | Updated on 04/23/2019 4:52 pm AST

ORANJESTAD - Durante e reunion di dia 8 di februari 2018, e Comite di Maneho Monetario (CMM)2 di Banco Central di Aruba (BCA) a dicidi pa aumenta e porcentahe actual di e tasa di e “reserve requirement” di 11,0 porciento te 12,0 porciento y pa mantene e “advance rate” na 1,0 porciento, despues di a evalua e datonan economico y monetario mas recien. E decision aki ta drenta na vigor desde 1 di mei 2019. E decision aki a sigui despues di analisa e datonan di mas recien ariba economia y e situacion monetario, y locual ta premira riba termino mediano. Mientras cu actualmente e nivel di reservanan internacional di Aruba ta riba e nivel rekeri pa BCA, e ta menos cu e nivel rekeri pa islanan chikito cu economianan habri segun e “Reserve Adequacy metric” proponi y uza pa IMF. Ademas, riba termino mediano ta premira cu e reservanan internacional lo bira menos cu e limite mas abou di e margen di reserva adecua manera conseha pa IMF. E trend negativo premira den nivel di reservanan di Aruba ta debi na diferente factornan structural cu ta reforsa otro, incluyendo un desbalansa den importacion y exportacion cu ta causa principalmente pa: (a) subida den pagonan riba importacion di producto y servicio, (b) aumento den pagonan di interes y capital di debenan gubernamental, (c) financiamento di gobierno di debenan den exterior door di fiansanan domestico y (d) e ausencia di fuentenan alternativo y significante di reservanan cu no ta turismo. Abase di esaki, prudencia monetario y consecuentemente e decision pa hisa e “reserve requirement” ta necesario.

RESERVANAN INTERNACIONAL

E reservanan internacional (incluyendo e diferencia di revaluacion) di divisa total a nota un subida di Afl. 98,5 miyon den december 2018 compara cu e luna anterior. Compara cu december 2017, e nivel di reservanan internacional di divisa a crece cu Afl. 93,7 miyon (+5,1 porciento), impulsa pa un aumento den e reservanan oficial di Afl. 128,8 miyon (+7,8 porciento). E subida aki ta primordialmente relata na un emision di bono di gobierno riba mercado internacional pa un total di US$ 60 miyon. Consecuentemente, e reservanan oficial y e reservanan internacional a yega te na , respectivamente, Afl. 1.778,0 miyon y Afl. 1.917,9 miyon na fin di december 2018. Como cu e punto di referencia di 3 luna di pagonan ariba e cuenta coriente (incluyendo crudo) a subi entre december 2017 y december 2018, e proporcion di cobertura di pago di importacion riba e cuenta coriente a baha di 5,2 luna na 5,1 luna. Actualmente ta premira un caida den reserva di divisa netto den 2019 y 2020, pero kedando si riba e

1 E version na Ingles ta prevalece.

2 E CMM a ser institui na mei 2010 pa periodicamente evalua y determina e maneho monetario di BCA. Adicionalmente, CMM ta nivel di e benchmark tradicional monitorea pa BCA. Sinembargo, segun e ultimo calculacionnan, e reservanan lo keda bou di e limite minimo di e margen adecua manera conseha pa IMF.

DESAROYONAN DEN CREDITO

Compara cu december 2017, e crecemento di credito total dentro di e sector di banconan comercial na 2018 (+3.1 porciento) ta principalmente atribui na aumento den fiansa pa construccion di cas (+8.2 porciento) y den fiansa na empresa (+2.9 porciento). A registra un caida di 11,6 porciento pa prestamonan personal, cual ta un componente di credito na consumidornan.

INFLACION

E indice di CPI a crece cu 4,6 porciento den december 2018, compara cu e luna corespondiente di e an?a anterior. E causa principal ta e aumento den e tasa di BBO y door di un acceleracion di prijs di transporte y cuminda. E promedio anual di inflacion a yega te na 3,6 porciento na december 2018. E promedio anual di inflacion, ora exclui e componentenan di energia y cuminda, a yega na 1,8 porciento.

TURISMO

Data disponibel di december 2018 ta indica un subida den entrada relata na turismo registra na banconan comercial di 9,4 porciento. Durante e prome dies lunanan di 2018, e desaroyo den e indicadornan di turismo a registra crecemento, a nota un expansion den e cantidad di bishitantenan (+1,3 porciento) y anochinan permaneci (+1,4 porciento). Cantidad di turistanan crucero a subi cu 5,8 porciento durante e prome dies lunanan di 2018.

PLACA DEN CIRCULACION

E cantidad di placa den circulacion a registra un subida di Afl. 137,0 miyon te na Afl 4.376,9 miyon den december 2018, compara cu december 2017. Esaki ta debi na un aumento den e activo domestico netto (+Afl.45,7 miyon) y den e reserva di divisa netto (+Afl. 91,4 miyon, excluyendo diferencia di revaluacion).

  • Powered by SETAR