- Grupo grandi di ex studiante tin problema pa paga nan Duo lening bek
- CBS: Bestaansminimum a subi atrobe na Aruba debi na aumento di gasto di cuminda
- Figaroa: Proximo gobierno mester consisti di solamente vakministers
- E careda di ciclista ‘12 Hours di Aruba’ ta bolbe na 2024!
- Coredornan di Aruba ta cla pa e marathon di Londen pa diadomingo
Hilton ta celebra 100 aña di hospitalidad
(ADVERTORIAL)
PALM BEACH - Kico ta pasa ora 1 hotel crece y bira mas di 5,600 hotel den un siglo, a emplea casi 10 miyon di miembro di ekipo den 113 pais, a genera un impacto economico di mil biyon y a yama mas di 3 biyon di persona nan huesped? Positivo. Extraordinario. Impactante. Esaki ta e Hilton Effect.
Hilton Worldwide Holdings Inc. lo celebra su di 100 aniversario dia 31 di mei 2019, concluyendo un siglo di inovacion, hospitalidad y pensamento revolucionario.
Tur cos a cuminsa na 1919 ora Conrad Hilton a cumpra su prome hotel, Mobley na Cisco Texas. Su vision tabata pa yena e mundo cu luz y e calor di hospitalidad. Ora e la cuminsa cu e trayectoria aki pa haci su soño realidad, e no por a imagina con su soño lo cuminsa y evoluciona den diferente direccion, y mucho menos e impacto social y economico cu e lo tin riba biyones di persona den e ultimo siglo. E fenomeno con Hilton a impacta mundo ta wordo describi como e Hilton Effect.
Hilton Effect ta e impacto positivo y extraordinario cu Hilton tabatin y tin ainda riba miyones di bida y miles di comunidad na tur parti mundo: pionero den mercadonan nobo di biahe y uniendo personanan y culturanan. Pa conmemora e fecha importante, Hilton Worldwide Holdings Inc. a contrata autornan di negoshi cu experiencia den ciencia social pa studia con e mundo a cambia a traves di e Hilton Effect extraordinario. E ekipo a studia tres segmento di interes di e mercado: e huespednan, e miembronan di ekipo y e comunidadnan.
Loke nan a descubri ta confirma cu e Hilton Effect riba e huespednan ta considerabel y tabatin un impacto enorme den haci e biahenan facil y sigur. E cadena a continua cu inovacionnan, introduciendo diferente novedadnan, di airco te cu camber di hotel mobile-friendly, yudando na duna forma na business trips moderno, inovando e experiencia di e huespednan y dunando hopi atencion na comfortabilidad y e necesidadnan di biaheronan y famianan. E Hilton Effect riba e miembronan di ekipo por wordo midi pa e espirito empresarial promovi entre e miembronan di ekipo y e oportunidadnan profesional cu nan ta disfruta di dje, e muchanan cu nan ta manda studia, e casnan cu nan ta cumpra, y e cultura di siguridad laboral, recompensa pa merito y abilidad pa introduci inovacionnan, di tur skina di e empresa. E Hilton Effect riba e comunidadnan y economia ta manifesta den e historia, e economia y infrastructura di practicamente tur parti, cu su entrega constantemente di lugarnan di traha actractivo, revitalisacion di e comercio y yudando comunidadnan prospera.
“Mi ta kere e mundo ta un mihor lugar paso Hilton a nace den dje cien aña pasa”, Christopher J.Nassetta, presidente y CEO di Hilton a bisa. “Y si nos sigui haci nos trabao, e mundo lo ta un mihor lugar paso Hilton lo tey durante e proximo cien añanan”.
Awendia, Hilton Worldwide Holdings Inc. ta un compania lider di hospitalidad mundialmente, cu un portfolio di mas di 17 marca di clase mundial cu ta compromete mas di 5,600 propiedad na 113 pais y teritorio. Dedica pa cumpli su mision di ta e compania mas hospitalario di mundo, Hilton a gana un lugar den e lista di mihor lugar pa traha di mundo den 2018, y e la ricibi mas di 3 mil miyon di huesped den su casi 100 aña di historia.
Manera nos ta acercando e di cien aña di Hilton dia 31 di mei 2019, nos ta tira un bista riba algun di e novedadnan di Hilton:
?1927: Hilton ta habri su prome hotel (Waco Hotel) cu awa friu y airco den e cambernan publico.
? 1947: Roosevelt Hilton na New York ta comberti den e prome hotel di mundo pa instala television den e cambernan.
? 1948: Hilton ta bira e prome compania hotelero pa introduci un sistema di reservacion pa multiple hotel, cu ta e comienso di sistema di reservacion moderno.
? 1950: Hilton ta crea su di prome servicio special pa biaheronan femenino, un kit di cose y un folder cu nomber y numbernan di telefon util.
? 1957: Hilton ta ofrece su prome servicio di telefon di direct-dial pa full e cadena.
? 1959: Hilton ta habri su prome airport-hotel (San Francisco Airport Hilton) y ta pionero den e concepto aki. E biaheronan pa negoshi na tur parti mundo ta contento.
? 1973: Hilton ta desaroya e prome sistema di reservacion centralisa uzando technologia di computer, un avance den customer service.
? 1987: Hilton ta presenta su programa di lealtad pa huespednan, Hilton Honors.
? 2008: Hilton Vancouver Washington ta marca historia como e prome hotel cu certificacion den Leadership in Energy and Environmental Design (LEED) y Green Seal.
? 2010: Menos di cinco luna despues di su apertura dia 21 di october 2010 na Hilton Short Hills, eforea spa ta habri su portanan na China, Tailandia y Estados Unidos.
? 2011: Hilton Hotels y Hilton Resorts ta lansa Hilton Huanying. Inspira pa e palabra chines “bon bini” (Hilton Huanying), e programa ta diseña pa biaheronan chines den extranhero.
? 2013: Hilton ta lansa e concepto nobo di cuminda, Herb N’ Kitchen na tur parti mundo.
? 2014: Prome marca di hotel cu ta transmiti un concierto en bibo riba YouTube (Hilton Times Square)
? 2016: Hilton ta expande su presencia na 100 pais y teritorio rond mundo cu e apertura di Hilton N’Djamena na Chad.
? 2017: Hilton a presenta un concepto inovador: Connected Room - e prome camber di hotel berdaderamente mobile-centric cu ta permiti e huespednan personalisa y controla nan estadia for di nan smartphone cu e Hilton Honors app.
Grupo grandi di ex studiante tin problema pa paga nan Duo lening bek
ORANJESTAD – Mas cu mitar di studiantenan local (Aruba) cu a studia usando e prestamo escolar ‘Dienst Uitvoering Onderwijs voor studenten en scholieren’, conoci como DUO, tin problema pa paga esaki bek , ta paga menos cu nan mester paga, of mas pio, no ta paga nada bek mes. E grupo aki ta sigui ta un problema segun representante di DUO, Marit Verbogt manera cu e la splica diahuebs den e programa Noticiacla LIVE. Si tin mas of menos 4000 ex studiante cu tin cu paga bek, y ta algo di mas di mitar tin e problema, por deduci cu e cantidad aki ta mas cu 2 mil studiante local. Verbogt ta splica kico e situacion ta, den e video adhunto. E siman aki e representantenan ta na Aruba te cu otro siman diabierna pa atende cu e grupo aki y tambe studiantenan cu kier un beca via DUO. Nan por acudi na e centro John F Kennedy durante oranan specifico cu ta ubica riba e pagina di FB di nan y tambe e portal di DUO.
DVG: A cuminsa hospitalisa hende localmente infecta cu Dengue
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
Conocido ciudadano y ex director di KIA Ben King a haya despedida impresionante
DEA: Cabesante y docentenan ta sigui prepara pa introduci Papiamento na scolnan basico
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
A.T.A.: Por Mira Documentario Blue Lizard Effect via nos Planta Nacional TeleAruba
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.
Morning-after pill: Por Uz’e Tur Siman?
Follow NoticiaCla
