(ADVERTORIAL)
ORANJESTAD - Ecotech a tuma nota cu riba e pagina masha conoci di Facebook ‘Bo Berdad Aruba’ un encuesta a wordo haci #Ecotech Vs Serlimar. Durante luna di maart 2019 comunidad di Aruba por a vota pa Ecotech of Serlimar manera compania preferi pa maneho di desperdicio. Serlimar semper tabata gratis y awor mester cobra, y Ecotech semper tabata cobra desde inicio pa su servicionan optimal. Ecotech a keda na fabor di pueblo y resulta ganador di e encuesta aki cu 68% den comparacion cu 32% di votonan pa Serlimar.
Durante e ultimo tempo, hopi famia a cuminsa cambia nan servicio residencial pa Ecotech. Pa solamente AWG 28,10 pa luna, bo ta ricibi bo Toter nobo mesora na momento di cera contract y Ecotech mes lo bin bo cas y yudabo cu tramites pa e cambio, Bo no tin inconveniencia. Ecotech su servicio residencial Premium, amabel y personalisa, 365 dia pa aña, ta haci Ecotech berdaderamente e compania ideal pa nos maneho di desperdicio.
Yama Ecotech awe mes riba 582 4684 of pasa na un di nan puntonan di benta na ATCO Shaba, ATCO Dakota, ATCO Barcadera of ATCO San Nicolas. Subi www.ecotecharuba.com of sigui nos riba Facebook pa mas informacion. Por yama Mr. Bucket tambe riba 594-3757 pa customer service obtenibel 24/7!
ORANJESTAD – Mas cu mitar di studiantenan local (Aruba) cu a studia usando e prestamo escolar ‘Dienst Uitvoering Onderwijs voor studenten en scholieren’, conoci como DUO, tin problema pa paga esaki bek , ta paga menos cu nan mester paga, of mas pio, no ta paga nada bek mes. E grupo aki ta sigui ta un problema segun representante di DUO, Marit Verbogt manera cu e la splica diahuebs den e programa Noticiacla LIVE. Si tin mas of menos 4000 ex studiante cu tin cu paga bek, y ta algo di mas di mitar tin e problema, por deduci cu e cantidad aki ta mas cu 2 mil studiante local. Verbogt ta splica kico e situacion ta, den e video adhunto. E siman aki e representantenan ta na Aruba te cu otro siman diabierna pa atende cu e grupo aki y tambe studiantenan cu kier un beca via DUO. Nan por acudi na e centro John F Kennedy durante oranan specifico cu ta ubica riba e pagina di FB di nan y tambe e portal di DUO.
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.