Aspirantnan di CURMIL y ARUMIL ta conclui na Fort Amsterdam

WILLEMSTAD - Cu un aplauso fuerte  i discursonan di Promé Minister Rhuggenaath, Comandante Suplente di Forsanan Naval den Region Caribe, Colonel (KLTZ)  Jan Willem Boone y Mayor di Marina Real Christ van Dinteren, e Cursonan Basico di Milisia di Corsou y di Aruba a keda clausura. Nan a finalisa e siman aki e ehersicionan final, cu ta ser yama ‘final exercise (FINEX)’.

Tradicionalmente FINEX ta clausura cu un marcha final di  25 kilometer. E Milisianonan ta carga durante e marcha nan paketenan personal y nan arma. E ultimo kilometernan  nan  a crusa den  Otrobanda y a pasa riba brug di Ponton, despues di cua e Milisianonan a drenta cu un aplauso tradicional.  Esaki ta simbolisa e vinculo fuerte entre e islanan, milisianonan y CZMCARIB.

E marcha a finalisa riba e plenchi parti paden di Fort Amsterdam, den presencia di Gobernador Lucille George Wout, Minister Presidente Rhuggenaath, PLV CZMCARIB KLTZ Boone, coleganan y miembronan di famia.

Einan e milisianonan a cambia nan pechi pa un baret cu tabata bon mereci. Den e diskursonan e rol di e milisiano pa Corsou y Aruba den e area di siguridad, pero tambe e orguyo y prestacion, a keda enfatisa. ‘E entrenamento no ta facil. Cu esaki boso a mustra un prestacion hopi fuerte.’, segun Van Dinteren. Na oktober 2018, 30 hoben a cuminsa cu e training pa Milisiano. Despues di un training intensivo di kasi 11 luna nan a marcha diahuebs cu un cantidad di un maximo di  22 cursista riba brug di Ponton.

EMV (Formashon Basiko pa Militar-Elementaire Militaire Vorming)

EMV ta un estudio basico cu ta dura 11 luna. E prome fase ta e formacion elemental. Den esaki e habilidadnan y ehercisionan  basico (skills & drills) riba nivel di individuo ta primordial. E milisianonan den training ta siña entre otro rango, y funcion y tambe con pa yuda otro mutuamente como camarada.  Banda di esei disiplina Militar ta keda siñá, y e hobennan ta haña destresa den uso di armanan militar. Desde de fase aki e paso ta keda tuma pa sigui bai entrenamento di bataya.  Di tres y ultimo fase ta consisti di  proteha monitoria.